ساؤتھ کے سپر اسٹار چرنجیوی اور نینتارا کی فلم ‘گاڈ فادر’ اس سال سینما گھروں میں ریلیز ہونے والی ہے۔ جمعرات کو، میکرز نے فلم کی اداکارہ نینتارا کی پہلی جھلک جاری کی۔ فلم کے اس فرسٹ لْک میں نینتارا ایک کرسی پر بیٹھی ہیں اور ان کے سامنے میز پر کچھ کاغذات رکھے ہوئے ہیں جنہیں وہ غور سے پڑھتی ہوئی نظر آ رہی ہیں۔ فلم میں نینتارا کے کردار کا نام ستیہ پریہ جے دیوا ہوگا۔

قابل ذکر ہے کہ فلم گاڈ فادر ملیالم کی مقبول فلم لوسیفر کا ریمیک ہے۔ فلم کی ہدایت کاری موہن راجہ کریں گے۔ اس فلم میں سلمان خان کیمیو رول میں نظر آئیں گے۔ پرتھوی راج سوکمارن نے اصل فلم میں یہ کردار ادا کیا تھا۔ فلم میں نینتارا، چرنجیوی اور سلمان خان کے علاوہ ستیہ دیو کنچرن، جئے پرکاش جیسے اداکار نظر آئیں گے۔ فلم رواں سال 5 اکتوبر کو ریلیز ہوگی۔