ایم آئی ٹی میں ملک کا نام روشن کرنے والے سری کانت کی بایوپک میں راج کمار راؤ نظر آئیں گے

<p dir="RTL" style="text-align: justify;">
<strong>فلم اداکار راج کمار راؤ کی نئی فلم کا اعلان کر دیا گیا ہے۔ یہ فلم انڈسٹریل شری کانت بولا کی بایوپک ہوگی</strong></p>
<p dir="RTL" style="text-align: justify;">
راج کمار راؤ اس فلم کی شوٹنگ اس سال جولائی میں شروع کریں گے۔ جہاں ہیرانندانی اس بایوپک کی ہدایت کاری کریں گے، وہیں فلم کو بھوشن کمار، کرشن کمار اور ندھی پرمار ہیرانندنی مشترکہ طور پر پروڈیوس کریں گے۔ فلم کی کہانی سمت پروہت اور جگدیپ سدھو نے لکھی ہے۔</p>
<p dir="RTL" style="text-align: justify;">
قابل ذکر ہے کہ سری کانت بولا، جن کا تعلق آندھرا پردیش کے ایک چھوٹے سے گاؤں سے ہے، انہوں نے کئی مشکل حالات اور چیلنجز کا سامنا کیا ہے۔ سریکانت پیدائش سے ہی نابینا ہیں۔ اس کے والدین بہت غریب اور ان پڑھ تھے۔ اسے پیدائش سے ہی مشکلات کا سامنا کرنا پڑا۔ دسویں جماعت پاس کرنے کے بعد سائنس اسٹریم سے پڑھنے کیلئے انہیں طویل عرصے تک قانونی جنگ لڑنی پڑی۔ سری کانت نے نہ صرف 10ویں اور 12ویں میں سے اچھے نمبر لائے بلکہ امریکہ کے میساچوسٹس انسٹی ٹیوٹ آف ٹیکنالوجی میں شرکت کرنے والے پہلے بین الاقوامی نابینا طالب علم بننے کا اعزاز بھی حاصل کیا۔</p>