فلم’رام سیتو‘کا شاندار ٹریلر ریلیز، کیا ہے اس فلم کی خاصیت؟

 اکشے کمار سات ہزار سال پرانی تاریخ کی تلاش میں نکلے

اکشے کمار، جیکولین فرنینڈس اور نصرت بھروچا کی آنے والی فلم ‘رام سیتو’ اس سال دیوالی پر ریلیز ہونے والی ہے۔ دریں اثنا، منگل کو میکرز نے فلم کا زبردست ٹریلر ریلیز کیا۔

ٹریلر کی شروعات ایک مشن سے ہوتی ہے، مشن ‘رام سیتو’ کی 7000 سال پرانی تاریخ کو سامنے لانا ہے اور جس کی تلاش میں اکشے کمار اپنی پوری ٹیم کے ساتھ نکلتے ہیں۔

ٹریلر میں دکھایا گیا ہے کہ یہ ملک رام کے نام پر کیسے چلتا ہے۔ لیکن حکومت نے سپریم کورٹ میں ‘رام سیتو’ کو توڑنے کا مطالبہ کیا ہے۔ اس سب کے درمیان اکشے کمار کو ‘رام سیتو’ کی تلاش میں کن مشکلات کا سامنا کرنا پڑے گا، اس کی جھلک مزید ٹریلر میں ہے۔

‘رام سیتو’ کو ارونا بھاٹیہ، لائکا پروڈکشن اور وکرم ملہوترا مشترکہ طور پر پروڈیوس کریں گے اور ایمیزون پرائم ویڈیو کے تعاون سے تیار کیا جائے گا۔ ابھیشیک شرما کی ہدایت کاری میں بننے والی یہ فلم رواں سال 25 اکتوبر کو دیوالی پر ریلیز ہوگی۔