فلم ‘ آر آر آر ‘ کا سنسنی خیز ٹریلر ریلیز

<p dir="RTL" style="text-align: justify;">
ایس ایس راجامولی کی آنے والی فلم ' آر آر آر ' کا زبردست ٹریلر جمعرات کو جاری کیا گیا ہے۔ یہ ایک پیریڈ ڈرامہ فلم ہے جس میں جونیئر این ٹی آر، رام چرن، اجے دیوگن اور عالیہ بھٹ شامل ہیں۔</p>
<p dir="RTL" style="text-align: justify;">
جمعرات کو ریلیز ہونے والی فلم کے اس ٹریلر کو دیکھ کر بخوبی اندازہ لگایا جا سکتا ہے کہ فلم کی کہانی برطانوی راج کے خلاف جنگ پر مبنی ہے۔ فلم کے ٹریلر سے پتہ چلتا ہے کہ جونیئر این ٹی آر ایک انقلابی کے کردار میں نظر آ رہے ہیں۔ ایک برطانوی پولیس ہندوستانی افسر، جس کا کردار رام چرن نے ادا کیا ہے، اس انقلابی کو پکڑنے کے لیے رکھا گیا ہے۔ تاہم بعد میں دونوں مل کر انگریزوں کے خلاف بغاوت کرتے ہیں اور پھر ایک زبردست جنگ شروع ہو جاتی ہے۔ ایکشن سے بھرپور فلم کے ٹریلر میں دوستی، فریب اور حب الوطنی کا شاندار امتزاج دکھایا گیا ہے۔ فلم کے ٹریلر میں فلم کے تمام مرکزی کرداروں کی جھلک موجود ہے۔</p>
<p dir="RTL" style="text-align: justify;">
فلم کے اس ٹریلر کو سوشل میڈیا پر کافی پسند کیا جا رہا ہے۔ <span dir="LTR">RRR</span>بالی ووڈ کی سب سے زیادہ انتظار کی جانے والی فلموں میں سے ایک ہے۔ ' <span dir="LTR">RRR</span>' ایک پیریڈ ڈرامہ فلم ہے۔ فلم کے نام کی مکمل شکل آرفور رائز کا مطلب ہے اٹھنا، رورکا مطلب ہے دہاڑنا اور ریوولٹ کا مطلب بغاوت ہے۔ فلم ' <span dir="LTR">RRR</span>' کی کہانی مشہورمجاہد آزادی کومارام بھیم اور الوری سیتاماراجو کے جوانی کے دنوں کی ایک فرضی کہانی پر مبنی ہے۔ یہ دونوں آزادی پسند جنگجو انگریزوں کے ساتھ نظام حیدرآباد کے خلاف لڑے تھے۔ فلم کی دیگر کاسٹ میں بین الاقوامی اداکار رے سٹیونسن، ایلیسن ڈوڈی اور اولیویا مورس بھی شامل ہیں۔ ڈی وی وی انٹرٹینمنٹ کے تحت ڈی وی وی دانیا کے ذریعہ پروڈیوس کردہ اور ایس ایس راجامولی کی ہدایت کاری میں بننے والی یہ فلم 7 جنوری 2022 کو سینما گھروں کی زینت بنے گی۔</p>