شبانہ اعظمی: فلمی دنیا میں اپنی کارکردگی کی وجہ سے مختلف شناخت رکھتی ہیں

<p dir="RTL" style="text-align: justify;">
بالی ووڈ کی سب سے بہترین اور ٹاپ اداکارہ میں شمار شبانہ اعظمی<span dir="LTR">(Shabama Azmi) </span>آج اپنا 71 واں یوم پیدائش منا رہی ہیں۔ سوشل میڈیا پر بھی انہیں یوم پیدائش کی مبارکبادیاں مل رہی ہیں۔ بالی ووڈ میں شبانہ اعظمی 70، 80 اور 90 کی دہائی میں چھائی رہیں۔ انہوں نے فلموں میں آنے سے قبل سائیکولوجی میں گریجویشن کیا تھا۔ فلموں کے ساتھ شبانہ اعظمی، انل کپور کے ٹی وی جاسوسی شو ’24‘ میں بھی کام کرچکی ہیں۔ ویسے شبانہ اعظمی کی دوسری پہچان نغمہ نگار جاوید اختر کی اہلیہ کے طور پر بھی ہے۔</p>
<p dir="RTL" style="text-align: justify;">
شبانہ اعظمی (<span dir="LTR">Shabama Azmi</span>) کی ڈیبیو فلم ’انکر‘ تھی، جسے 1974 میں ریلیز کیا گیا تھا۔ اس فلم میں شبانہ اعظمی نے ایک نوکرانی کا رول نبھایا تھا۔ یہ فلم ہٹ رہی اور شبانہ اعظمی کو اس کے لئے ’نیشنل فلم ایوارڈ فار بیسٹ اداکارہ‘ دیا گیا۔ جاوید اختر اور شبانہ اعظمی کی جوڑی بالی ووڈ کی خاص جوڑیوں میں شمار کی جاتی ہے، لیکن یہ بات بہت کم لوگ جانتے ہیں کہ شادی سے پہلے شبانہ اعظمی کا نام فلم ڈائریکٹر شیکھر کپور کے ساتھ بھی جڑا تھا۔</p>
<p dir="RTL" style="text-align: justify;">
<strong>جیا بچن سے بھی تھیں متاثر</strong></p>
<p dir="RTL" style="text-align: justify;">
شبانہ اعظمی جیا بچن سے بھی بہت متاثر تھیں۔ انہیں سے متاثر ہوکر انہوں نے فلموں میں اپنا کیریئر بنانے کا فیصلہ لیا تھا۔ شبانہ اعظمی نے اپنے ایک انٹرویو میں کہا تھا ’فلم اینڈ ٹیلی ویژن انسٹی ٹیوٹ آف انڈیا کے ذریعہ بنائی گئی فلم میں جیا بچن کی بہادری کو دیکھ کر میں نے پنے انسٹی ٹیوٹ میں آنے کا فیصلہ کیا‘۔</p>
<p dir="RTL" style="text-align: justify;">
<strong><span dir="LTR">5 </span>بار جیتیں نیشنل ایوارڈ</strong></p>
<p dir="RTL" style="text-align: justify;">
شبانہ اعظمی کی سب سے بڑی پہچان ہے کہ وہ 5 بار نیشنل ایوارڈ جیت چکی ہیں۔ انہوں نے 1983, 1984 اور 1985 میں مسلسل تین سال تک نیشنل ایوارڈ جیتے ہیں۔  ایسا کرنے والی وہ اکیلی اداکارہ ہیں۔ آپ کو بتادیں کہ وہ مشہور شاعر کیفی اعظمی کی بیٹی ہیں۔ اداکاری سے لے کر سوشل ایکٹیوسٹ (سماجی کارکن) بننا، ان کی فیملی اور پرورش کی دین ہے۔</p>
<p dir="RTL" style="text-align: justify;">
<strong>اچھی فلمیں ہیں کمزوری</strong></p>
<p dir="RTL" style="text-align: justify;">
شبانہ اعظمی اچھی فلموں کے لئے کچھ بھی کرسکتی ہیں۔ یہاں تک کہ اس کے لئے انہوں نے سر منڈوانے تک میں پرہیز نہیں کیا۔ شبانہ اعظمی نے ٹیلی ویژن میں بھی کام کیا۔ ’ایک ماں جو لاکھوں کے لئے بنی اماں‘ سیریل میں بھی وہ نظر آئیں اور اس کے لئے بھی ان کی کافی تعریف ہوئی تھی۔</p>
<p dir="RTL" style="text-align: justify;">
<strong>سال 2012 میں پدم بھوشن سے ہوئیں سرفراز</strong></p>
<p dir="RTL" style="text-align: justify;">
شبانہ اعظمی<span dir="LTR">(Shabama Azmi) </span>کو سال 2012 میں پدم بھوشن سے سرفراز کیا گیا۔ صدر جمہوریہ کے دست مبارک سے یہ اعزاز حاصل کرنے پر شبانہ اعظمی نے ٹوئٹر پر لکھا تھا، ’ابھی ہندوستان کے صدر جمہوریہ کے ہاتھوں پدم بھوشن ملا، بہت اچھا محسوس کر رہی ہوں‘۔ میں ان سبھی لوگوں کا شکریہ ادا کرتی ہوں، جنہوں نے میرے اس سفر کو ممکن کیا۔</p>