شاندار اداکاری، سادگی اور خوب صورت مسکراہٹ سوشانت سنگھ راجپوت کی تھی پہچان، شائقین نے کچھ اس انداز میں کیا یاد

<p dir="RTL" style="text-align: justify;">
<strong>برتھ ڈے اسپیشل 21 جنوری</strong></p>
<p dir="RTL" style="text-align: justify;">
سوشانت سنگھ راجپوت یقیناً آج ہمارے درمیان نہیں ہیں لیکن انہوں نے اپنی شاندار اداکاری سے ناظرین کے دلوں میں جو خاص مقام بنایا ہے اس کی آج بھی ہر کوئی ان کی تعریف کرتا ہے۔ نوجوان اداکار سوشانت سنگھ راجپوت کا شمار بالی ووڈ کے ان اداکاروں میں ہوتا ہے جنہوں نے اپنی محنت اور شاندار اداکاری کی بدولت وہ مقام حاصل کرلیا جس کا خواب ہر جدوجہد کرنے والا اداکار مختصر عرصے میں دیکھتا ہے۔</p>
<p dir="RTL" style="text-align: justify;">
سوشانت سنگھ راجپوت 21 جنوری 1986 کو بہار میں پیدا ہوئے۔ پٹنہ کے سینٹ کارنس ہائی اسکول سے ابتدائی تعلیم حاصل کرنے کے بعد وہ مزید تعلیم کے لیے دہلی آئے اور دہلی کے کلاچی ہنسراج ماڈل اسکول سے اسکول کی تعلیم مکمل کرنے کے بعد سوشانت نے دہلی کالج آف انجینئرنگ سے مکینیکل انجینئرنگ کی تعلیم حاصل کی۔</p>
<p dir="RTL" style="text-align: justify;">
لیکن اسے انجینئرنگ پسند نہیں تھی۔ اس نے بیک اپ ڈانسر کے طور پر اپنے کیریئر کا آغاز کیا اور کئی فلم فیئر ایوارڈ شوز میں پرفارم کیا۔ اس دوران بالاجی ٹیلی فلمز کی کاسٹنگ ٹیم نے سب سے پہلے اسے دیکھا۔ جس کے بعد سوشانت کو ٹیلی ویڑن سیریل 'کس دیش میں ہے میرا دل' میں کام کرنے کا موقع ملا اور یہیں سے سوشانت کے اداکاری کی شروعات ہوئی۔</p>
<p dir="RTL" style="text-align: justify;">
سوشانت کو ایکتا کپور کے مشہور سیریل 'پوتر رشتہ' میں اداکاری کا موقع ملا۔ اس سیریل میں سوشانت کے ذریعہ ادا کیے گئے ان کے کردار مانو دیش مکھ نے انہیں گھر گھر پہچان دلایا، اس کے بعد سوشانت نے 'ذرا نچ کے دیکھا 2' اور 'جھلک دکھلا جا 4' جیسے ڈانسنگ شوز میں بھی حصہ لیا۔ سوشانت کو سال 2013 میں بڑے پردے پر ریلیز ہونے والی فلم 'کائی پو چے' میں مرکزی کردار میں کام کرنے کا موقع ملا۔ فلم میں ان کی اداکاری کو خوب پذیرائی ملی۔ اس کے بعد سوشانت کئی فلموں میں نظر آئے جن میں شدھ دیسی رومانس، پی کے، جاسوس بیومکیش بخشی، ایم ایس دھونی – دی ان ٹولڈ اسٹوری، کیدارناتھ، چھچھورے وغیرہ شامل ہیں۔</p>
<p dir="RTL" style="text-align: justify;">
شاندار اداکاری، معصومیت، سادگی اور خوبصورت مسکراہٹ سے لاکھوں دل جیتنے والے سوشانت سنگھ راجپوت کے مداحوں کو اس وقت بڑا جھٹکا لگا جب اچانک ان کی خودکشی کی خبر سامنے آئی۔ سوشانت نے 14 جون کو ممبئی میں اپنے گھر میں پھانسی لگا کر خودکشی کر لی تھی۔ 15 جون کو ممبئی میں اہل خانہ کی موجودگی میں ان کی آخری رسومات ادا کی گئیں۔ ان کی آخری فلم 'دل بیچارا' ان کی موت کے بعد ریلیز ہوئی تھی۔</p>