فلم’ دی کشمیر فائلس’ دوبارہ ریلیز کی جائے گی ، وویک اگنی ہوتری نے اعلان کیا

وویک اگنی ہوتری کی فلم ’ دی کشمیر فائلس‘ جو 11 مارچ 2022 کو سینما ہالوں میں ریلیز ہوئی تھی، سال 2022 کی سب سے زیادہ کمائی کرنے والی فلموں میں سے ایک تھی۔ اب یہ فلم دوبارہ سینما گھروں میں ریلیز ہونے جا رہی ہے۔

یہ پہلا موقع ہے جب کوئی فلم ایک سال میں دو بار ریلیز ہو رہی ہے

بالی ووڈ فلمساز وویک اگنی ہوتری نے بدھ کے روز اعلان کیا کہ’ دی کشمیر فائلز ‘19 جنوری (جمعرات) کو دوبارہ ریلیز ہوگی۔ ہدایت کار وویک نے اپنے آفیشل ٹویٹر ہینڈل پر ٹویٹ کیا کہ یہ فلم 19 جنوری کو’ کشمیری ہندووں کے نسل کشی کے دن‘ دوبارہ ریلیز ہو رہی ہے۔ یہ پہلا موقع ہے جب کوئی فلم ایک سال میں دو بار ریلیز ہو رہی ہے۔ اگر آپ اسے بڑی اسکرین پر دیکھنے سے رہ گئے ہیں تو ابھی بک کریں۔ آپ کے ٹکٹ ابھی۔ڈائریکٹر نے ایک گرافک بھی شیئر کیا جس میں لکھا تھا ، مقبول مانگ سے، لوگوں کی بلاک بسٹر۔

اداکار انوپم کھیر نے بھی ٹوئٹر پر انکشاف کیا کہ کشمیر فائلز دوسری مرتبہ ریلیز ہو رہی ہے۔ یہ فلم کشمیری پنڈتوں کے ہجرت کے 33 سال مکمل ہونے پر دوبارہ ریلیز کی جا رہی ہے۔ شاید پہلی بار کسی فلم کو ایک ہی سال میں دوسری مرتبہ ریلیز کیا جارہا ہے ہے۔

دی کشمیر فائلز وویک اگنی ہوتری کی ہدایت کاری میں 1990 کی دہائی میں کشمیر سے کشمیری ہندووں کے اخراج کے گرد گھومتی ہے۔ اس فلم میں ان واقعات کو دکھایا گیا ہے جو ہجرت اور قتل عام تک لے جاتے ہیں۔ یہ فلم 11 مارچ 2022 کو ریلیز ہوئی اور باکس آفس پر بلاک بسٹر بن کر ابھری۔ صرف 25 کروڑ روپے کے بجٹ سے بنی اس فلم نے 300 کروڑ روپے کا ہندسہ عبور کیا۔ وویک اگنی ہوتری نے فرنچائز میں دوسری فلم کا بھی اعلان کیا ہے۔ فلم کا نام دی دہلی فائلز ہوگا۔ یہ فلم 2024 میں ریلیز ہو سکتی ہے۔