ٹام کروز کی تازہ ترین ویڈیو وائرل ہوئی، مداحوں کا اظہار تشکر کیا

ہالی ووڈ کے مشہور اداکار ٹام کروز کی تازہ ترین ویڈیو سوشل میڈیا پر وائرل ہو رہی ہے جس میں وہ آسمان پر اڑنے والے طیارے سے چھلانگ لگا کر اپنی فلم ٹاپ گن – میورک کو محبتوں سے نوازنے کے لئے مداحوں کا شکریہ ادا کر رہے ہیں۔ اس ویڈیو کو خود ٹام کروز نے اپنے ٹوئٹر ہینڈل پر شیئر کیا ہے۔

اس ویڈیو کے ذریعے ٹام کروز نے مداحوں کا شکریہ ادا کیا اور کہا- ”ہمیں آپ کو انٹرٹین کرنے کی اجازت دینے کے لیے آپ کا بہت شکریہ۔ آپ نے میری فلم پر اتنا پیار دیا، اس کے لیے آپ کا بہت بہت شکریہ۔ آنے والی تعطیلات کے لیے آپ سب کو نیک خواہشات ، میںنہیں چاہتا تھا کہ بغیر آپ سب کا شکریہ ادا کیے اس سال کا اختتام کروں“۔ ویڈیو کے آخر میں ٹام کروز کی فلم ٹاپ گن -میورک کی ایک چھوٹی سی جھلک بھی ہے۔

قابل ذکر ہے کہ ٹام کروز کی تازہ ترین ریلیز ہونے والی فلم ٹاپ گن – میورک کو ناظرین کی جانب سے کافی پذیرائی حاصل ہوئی ہے ۔ پیراماو¿نٹ پکچرز کے بینر تلے بنی یہ فلم 1986 کی ٹاپ گن کا آفیشل ریمیک تھی۔ یہ گھریلو باکس آفس پر پیراماو¿نٹ پکچرز کی اب تک کی سب سے زیادہ کمائی کرنے والی فلم بن گئی ہے۔ ٹام کروز نے اس فلم میں اداکاری کے ساتھ ساتھ اسے پروڈیوس بھی کیا۔ ٹام کروز اس وقت مشن امپاسیبل – ڈیڈ ریکننگ پارٹ ون کی شوٹنگ میں مصروف ہیں۔ یہ فلم 14 جولائی 2023 کو ریلیز ہوگی