وشال جیٹھوا آنجہانی اداکارہ تونشا شرما کو یاد کر کے ہوئے جذباتی

معروف اداکارہ تونشا شرما کے انتقال نے سب کو حیران کر دیا ہے۔ تونشا شرما نے رواں ماہ 24 دسمبر کو سیریل ‘علی بابا: داستانِ کابل’ کے سیٹ پر خودکشی کر لی تھی۔ تونشا نے اس طرح دنیا کو الوداع کہہ کر سب کو چونکا دیا۔ وہیں اداکار وشال جیٹھوا نے اپنی قریبی دوست تونشا کی کچھ تصاویر اور ویڈیوز شیئر کرتے ہوئے ایک جذباتی نوٹ لکھا ہے۔

یہ بہت تکلیف دہ اور ناقابل برداشت محسوس ہوتا ہے

وشال نے لکھا -’کیوں خاموش ہوں، اس امید میں کہ تم واپس آجاوگی؟ میں آپ کو بتادوں کہ یہ صرف میں ہی نہیں بلکہ آپ کے اردگرد موجود ہر فرد، آپ کے خاندان سے لے کر آپ کے تمام مداح اور خیر خواہ تک بھی ایسا ہی محسوس کرتے ہیں، یہ بہت تکلیف دہ اور ناقابل برداشت محسوس ہوتا ہے کہ آپ نے اپنے قریبیوں کو بہت درد، غم اورصدمہ دیاہے۔

لیکن افسوس کی بات ہے کہ ہمیں یہ حقیقت ماننا پڑی کہ آپ چلی گئی ہیں اور ہم آپ کو دوبارہ نہیں دیکھ سکیں گے۔ میں بہت عجیب لگ سکتا ہوں لیکن کیا میں کہہ سکتا ہوں کہ میں نہ صرف غمگین ہوں بلکہ شدید ناراض بھی ہوں اور آپ سے بہت سی شکایات اور سوالات ہیں؟ جیسا کہ اور بھی بہت سے لوگوں کی ہے۔آپ کے ساتھ رادھا کرشن کا کردار ادا کرنے کی میری خواہش ادھوری ہی رہی۔میڈننگ ڈرائیوز، لانگ چیٹس، کریزی فیملی ٹائمز کے ساتھ ہمیشہ آپ کے لئے میری محبت کو سنجو کر رکھوں گا.. مجھے نہیں معلوم تھا کہ ہم 4 دن پہلے جب ہم ملے تھے تو یہ آپ کے ساتھ میری آخری ملاقات ہوگی!۔

کبھی بھی کسی چیز سے اتنا نہ جریں کے آپ اسکو اپنی زندگی سے اوپر رکھنے لگیں

وشال جیٹھوا نے آخر میں سب کے لیے ایک خصوصی نوٹ شیئر کیا اور لکھا، “کبھی بھی کسی شخص، صورت حال، مادی اثاثوں، خوابوں یا حتیٰ کہ اپنے خیالات کو بھی اپنی زندگی سے اوپر نہ رکھیں۔ کبھی کسی ایسی چیز سے اتنامت جڑیں جو آپ کی زندگی کو اتنا بے چین کر دے کہ آپ کو ایسا انتہائی قدم اٹھانے کا دل کرے۔۔۔

ابھی کچھ دن پہلے جب میں تونشا سے ملا تو میں نے اس کے ہاتھ پر ایک ٹیٹو دیکھا جس پر لکھا تھا – ہر چیز سے پیار کرو! تب میں اسے بتانا چاہتاتھا کہ آپ سب سے اوپر خود سے پیار میں تبدیل کیوں نہیں کردیتے؟! مجھے افسوس ہے کہ میں نے یہ نہیں کہا۔ تونشا آپ ہمیشہ سب کے دلوں میں رہیں گی۔ واقعی بہت جلد چلی گئی!’۔

وشال کی یہ پوسٹ بہت جذباتی ہے، وشال کی یہ پوسٹ سوشل میڈیا پر وائرل ہو رہی ہے۔