ممبئی ،9 نومبر(انڈیا نیریٹو)
بالی ووڈ کے سب سے مشہور جوڑوں میں سے ایک رتیش دیش مکھ اور جینیلیا ڈی سوزاکی جوڑی ایک بار پھر ایک ساتھ بڑے پردے پر دھوم مچانے کے لیے تیار ہیں۔ دونوں جلد ہی فلم ‘مسٹر ممی’ میں نظر آئیں گے۔ یہ فلم رواں ماہ 11 نومبر کو ریلیز ہونے والی تھی لیکن اب میکرز نے اس کی ریلیز کی تاریخ میں تبدیلی کرتے ہوئے اسے ایک ہفتہ بڑھا دیا ہے۔ اب یہ فلم 11 نومبر کی بجائے 18 نومبر کو ریلیز ہوگی۔ منگل کو میکرز نے اس کا اعلان کیا اور ایک نیا پوسٹر بھی جاری کیا، جس میں اداکار رتیش دیش مکھ حاملہ نظر آ رہی ہیں۔
رپورٹس کے مطابق فلم کی کہانی ایک ایسے جوڑے کے گرد گھومتی ہے جن کی سوچ بچے کے معاملے میں ایک دوسرے سے بالکل مختلف ہوتی ہے۔ لیکن بعد میں کافی بحث کے بعدکچھ اور نتیجہ دیکھنے کو ملتا ہے۔ اس فلم کے ذریعے رتیش اور جینیلیا تقریباً دس سال بعد بڑے پردے پر ایک ساتھ اسکرین شیئر کرتے نظر آئیں گے۔ اس سے قبل دونوں 2012 میں ریلیز ہوئی فلم ’تیرے نال لو ہو گیا‘ میں نظر آئے تھے۔
جب سے ‘مسٹر ممی’ کا اعلان ہوا ہے، مداح اس فلم اور اس جوڑی کو بڑے پردے پر دیکھنے کے لیے بہت پرجوش ہیں۔ بھوشن کمار اور کرشن کمار مشترکہ طور پر ‘مسٹر ممی’ کوپروڈیوس کریں گے۔ فلم کے ہدایت کار شاد علی ہیں۔
