شاہ رخ خان کی ’جوان‘میں کس ساؤتھ سپر اسٹار کی انٹری؟

شاہ رخ خان کی آنے والی فلم جوان کافی دنوں سے خبروں میں ہے۔ اس فلم کی ہدایت کاری ساؤتھ فلم انڈسٹری کے مشہور ڈائریکٹر ایٹلی کریں گے۔

رپورٹس کے مطابق شاہ رخ کی اس فلم میں ان کے مدمقابل لیڈ ساؤتھ اداکارہ نین تارا ہوں گی۔ تاہم ابھی تک اس کی کوئی سرکاری تصدیق نہیں ہوئی ہے۔ وہیں اس فلم کے بارے میں ایک تازہ ترین اپ ڈیٹ آ رہا ہے۔

رپورٹس کے مطابق اس فلم میں ساؤتھ کے سپر اسٹار تھلاپتی وجے بھی نظر آئیں گے۔ حال ہی میں جوان کے ڈائریکٹر ایٹلی نے اپنی سالگرہ منائی۔ اس سالگرہ کی تقریب کی ایک تصویر وائرل ہو رہی ہے۔

اس تصویر میں شاہ رخ خان ایٹلی کے ایک طرف ہیں اور تھلاپتی وجے دوسری طرف ہیں۔ اس تصویر کے منظر عام پر آنے کے بعد یہ قیاس کیا جا رہا ہے کہ ایٹلی کی اس فلم میں شاہ رخ خان کے ساتھ تھلاپتی وجے بھی نظر آ سکتے ہیں۔ حالانکہ ابھی تک اس کی باضابطہ تصدیق نہیں ہوئی ہے۔