کہا جاتا ہے کسی عورت کے لیے سب سے محفوظ جگہ اس کا گھر ہوتاہے لیکن آپ کو یہ جان کر کیسا لگے گا کہ کوئی آپ کو چپکے سے دیکھ رہا ہے؟ ایسا ہی کچھ بالی ووڈ اداکارہ عالیہ بھٹ کے ساتھ ہوا ہے۔ عالیہ اپنے گھر کے لیونگ ایریا میں بیٹھی تھیں جب پاپارزی نے چپکے سے ان کی تصویریں کلک کر لیں۔ عالیہ کو یہ دیکھ کر غصہ آ جاتا ہے۔ اب اداکارہ انوشکا شرما نے عالیہ کی حمایت کرتے ہوئے غصے کا اظہار کیا ہے۔
عالیہ نے اسٹوری کا فوٹو شیئر کرتے ہوئے لکھا، ”یہ کیسا مذاق ہے؟ دوپہر کو میں اپنے لیونگ روم میں آرام کر رہی تھی ۔تب ہی مجھے لگا کہ کوئی مجھے دیکھ رہا ہے۔ میں نے نظر اٹھا کر دیکھا تو قریبی عمارت سے دو لوگ میری تصویریں لے رہے تھے۔ یہ کس طرح کی حرکت ہے اور کیا اس کی اجازت ہے؟ یہ کسی کی نجی زندگی میں جھانکنے کے مترادف ہے۔ لیکن آپ نے تمام حدیں پار کر دی ہیں ۔ کیپشن میں عالیہ نے لکھا۔ پاپارزی کے ذریعہ چپکے سے لی گئی اس تصویر سے عالیہ بہت ناراض ہیں۔
سوشل میڈیا پر عالیہ کی پوسٹ شیئر کرتے ہوئے انوشکا نے کہا کہ ’ ایسا پہلی بار نہیں ہے کہ لوگ ایسا کر رہے ہیں۔ تقریباً دو سال پہلے، اسے اس طرح سے ہماری تصویریں لیتے ہوئے دیکھا گیا تھا اور ہم نے اسے کافی کھری کھری سنائی تھی۔ کیا آپ کو لگتا ہے کہ یہ سب کرنے سے آپ کو عزت ملے گی؟ انتہائی شرمناک حرکت۔
