اداکار اور دوست راجیو کپور کی سالگرہ پر سنجے کپور کیوں ہوگئے جذباتی؟

فلم اداکار سنجے کپور نے آج اپنے قریبی دوست اور آنجہانی اداکار راجیو کپور کو ان کی سالگرہ پر یاد کیا۔ سنجے کپور نے راجیو کپور کے یوم پیدائش پر انسٹاگرام پر کچھ پرانی تصاویر شیئر کرنے کے ساتھ ایک جذباتی نوٹ بھی لکھا ہے۔ سنجے کپور نے لکھا- ‘ہیپی برتھ ڈے چمپس.. آپ سے پیار کرتے ہیں اور آپ کو یاد کرتے ہیں۔’

مداحوں کے ساتھ ساتھ تفریحی دنیا کی مشہور شخصیات بھی سنجے کے اس پوسٹ پر ردعمل کا اظہار کر رہی ہیں۔

25 اگست 1962 کو پیدا ہونے والے راجیو کپور مشہور اداکار راج کپور کے بیٹے تھے۔ راجیو کپور نے کئی فلموں میں کام کیا جن میں آسماں، میرا ساتھی، رام تیری گنگا میلی، لاوا، لو بوائے، لو اسٹوری وغیرہ ہیں۔ اس کے ساتھ انہوں نے سال 1999 میں فلم ‘آ اب لوٹ چلیں ‘، 1991 میں فلم ‘حنا’ اور 1996 میں فلم ‘پریم گرنتھ’ بھی پروڈیوس کی۔ انہوں نے فلم پریم گرنتھ کی پروڈیوس کے ساتھ ساتھ ہدایت کاری بھی کی۔ راجیو کپور کا انتقال 9 فروری 2021 کو دل کا دورہ پڑنے سے ہوا۔