کولکاتا میں سلمان خان کے شو کو لے کر کیوں بنا ہوا ہے غیر یقینی صورت حال؟

کولکاتا، 24 مارچ (انڈیا نیرٹیو)

 جان سے مارنے کی دھمکیوں کے باوجود بالی ووڈ سپر اسٹار سلمان خان کا کولکاتا میں شو منسوخ نہیں کیا جائے گا۔ جمعہ کو منتظمین کی جانب سے موصول ہونے والی معلومات کے مطابق سلمان خان کے شو کے حوالے سے تمام غیر یقینی صورتحال ختم ہو گئی ہے۔

معلوم ہوا ہے کہ سلمان خان کا پروگرام کولکاتا میں مئی یا جون کے مہینے میں تجویز کیا جا رہا تھا جس کے لیے بھائی جان کے ایونٹ مینجرز نے تاریخ دینے سے انکار کر دیا تھا۔ انہوں نے کہا کہ سلمان خان کو جان سے مارنے کی دھمکیاں ملی ہیں۔ ایسے میں وہ ممبئی سے باہر نہیں جائیں گے لیکن اب ذرائع نے بتایا ہے کہ سلمان خان نے کولکاتا میں ہونے والے پروگرام کے لیے رضامندی دے دی ہے۔

ان کا پروگرام سخت سیکورٹی کے درمیان منعقد ہوگا۔ سلمان خان کے ساتھ اس تقریب میں جیکولین فرنانڈیس، سوناکشی سنہا، پربھو دیوا، آیوش شرما اور گرو رندھاوا جیسے معروف ستارے بھی شرکت کریں گے۔ ذرائع نے بتایا ہے کہ ممبئی سے سلمان خان اور ان کی ٹیم کو دم دم ایئرپورٹ سے ہی پولیس کی حفاظت میں لے جایا جائے گا اور اس پروگرام کا انعقاد پولیس کی سخت نگرانی میں کیا جائے گا۔

خیال رہے کہ حال ہی میں سلمان خان کو جان سے مارنے کی دھمکیاں موصول ہوئی ہیں جس کو لیکر سیکورٹی ادارے الرٹ ہیں۔ اس کے بعد ہی یہ دعویٰ کیا جا رہا تھا کہ مئی-جون کے درمیان کولکاتا میں سلمان خان کا مجوزہ پروگرام منسوخ کیا جا سکتا ہے۔ حالانکہ ابھی تک پروگرام کی تاریخ کا فیصلہ نہیں کیا گیا ہے۔