بھارت کی صورتحال کورونا کے حوالے سے چین سے بہت بہتر ہے – ڈاکٹر رندیپ گلیریا

نئی دہلی ، 21 دسمبر (انڈیا نیریٹو)

چین اور امریکا میں کورونا کی واپسی کے پیش نظر ملک میں بھی خدشات بڑھ گئے ہیں۔ مرکزی حکومت نے لوگوں کو محتاط رہنے کا مشورہ دیا ہے۔ ساتھ ہی ماہرین کے صورتحال پر نظر رکھنے کی بھی بات کر رہے ہیں۔

موجودہ صورتحال پر ردعمل ظاہر کرتے ہوئے، میدانتا کے ڈائریکٹر اور ایمس کے سابق ڈائریکٹر ڈاکٹر رندیپ گلیریا نے کہا کہ چین کے مقابلے کورونا پر ہندوستان کی پوزیشن بہت بہتر ہے کیونکہ ملک کی ویکسینیشن کی حکمت عملی بہت کامیاب رہی ہے، زیادہ خطرے والے گروپ کے زیادہ تر لوگوں نے بوسٹر خوراک لے لی ہے۔اس کے ساتھ کافی لوگ بہت سے لوگ قدرتی طور پر بھی متاثر ہوئے ہیں۔ اس وقت ملک میں کہیں بھی کورونا کے کیسز نہیں بڑھ رہے ہیں۔ لیکن لوگوں کو محتاط رہنے کی ضرورت ہے۔

انہوں نے کہا کہ سردی میں وائرل انفیکشن بڑھ جاتا ہے۔ بہتر دیکھ بھال کی ضرورت ہے۔ خصوصی طور پر زیادہ خطرے والے گروپوں کے لئے خود کو بچانے اور بوسٹر خوراک لینے کی ضرورت ہے۔