نیشنل ہیلتھ مشن نے2 روزہ صلاحیت سازی ورکشاپ کا انعقاد کیا

 ایک دو روزہ صلاحیت سازی ورکشاپ آج سکمز، سورا میں شروع ہوئی، جس کا اہتمام نیشنل ہیلتھ مشن جموں و کشمیر، پی جی آئی ایم ای  آر چنڈی گڑھ اور  یو این  ایف پی اے  نئی دہلی نے مشترکہ طور پر کیا ہے۔

اس پہل کے تحت، حکومت ہند کا مقصد بچے کی پیدائش کے دوران غیر ضروری مداخلت کو کم کرنا، بڑے آپریشن کی شرح کو کم کرنا اور ڈاکٹروں پر بوجھ کو متوازن کرنا ہے۔ نرس پریکٹیشنرز کی دائیوں کا ایک نیا کیڈر تشکیل دیا گیا ہے جو خواتین کی حمل کے دوران بچے کی پیدائش اور بعد از پیدائش کے مرحلے میں مدد کرے گی۔

دائیوں کو نیشنل مڈوائفری ٹریننگ انسٹی ٹیوٹ  میں انٹرنیشنل کنفیڈریشن آف مڈوائف  کے معیارات کے مطابق 18 ماہ تک تربیت دی جائے گی۔ این پی ایمز ایک مکمل  اے این سی  کلینک چلائیں گے، ایک مڈوائفری کی قیادت میں لیبر روم اور ہائی کیس لوڈ سہولیات میں نفلی کلینک چلائیں گے۔ ایم ایل سی یو میں، وہ عام، غیر پیچیدہ ڈیلیوری کا انتظام کریں گے اور پیچیدگیوں کا انتظام کرنے کے لیے ماہر امراض نسواں کے ساتھ تعاون کریں گے۔

ڈاکٹر قاضی ہارون، اسٹیٹ پروگرام منیجر،  نیشنل ہیلتھ  مشن جموںو اکشمیر اور انچارج میٹرنل ہیلتھ نے مڈوائفری اقدام کا ایک جائزہ پیش کیا۔ورکشاپ کا افتتاح آیوشی سودان، مشن ڈائریکٹر، نیشنل ہیلتھ مشن جموں و کشمیرنے کیا۔انہوں نے کہا کہ آئی سی ایم کے معیار کے مطابق دائیوں کی اس تربیت کے بعد وہ صحت کی دیکھ بھال کے نظام کا اثاثہ بن جائیں گی۔ انہوں نے مزید کہا کہ  ‘یہ ہندوستان بھر کے اسپتالوں میں سی سیکشن کی بڑھتی ہوئی شرح کو جانچنے کے لیے اب تک کا سب سے منظم طریقہ ہے۔’