ملک میں موسم کا ستم،دہلی میں پارہ 46 سے تجاوز

نئی دہلی، 23 مئی

ملک کا بیشتر حصہ موسم کا ستم جھیل رہا ہے۔ تیز گرمی کی وجہ سے لوگوں کا حال بے حال ہے۔ اب تو پہاڑی ریاستوں کے میدانی علاقے بھی آگ اگلنے لگے ہیں۔ قومی راجدھانی دہلی لو کی زد میں ہے۔ دہلی کی سڑکوں پر پیر کو بھی آگ برستی رہی۔ بعض مقامات پر پارہ 46 ڈگری سیلسیس سے تجاوز کر گیا۔ ہندوستان کے محکمہ موسمیات کے مرکز نے آج منگل کو بھی کل جیسی لو چلنے کا امکان ظاہر کیا ہے۔

محکمہ موسمیات کے حکام نے بتایا کہ پیر کو قومی راجدھانی دہلی کا اوسط درجہ حرارت سیزن کا سب سے زیادہ  43.7 ڈگری پر تھا۔ کم سے کم درجہ حرارت 27.3 ڈگری سیلسیس ریکارڈ کیا گیا جو معمول سے ایک ڈگری زیادہ تھا۔ یہ بھی اس سیزن کی سب سے زیادہ ہے۔

 آج بھی حالات کم و بیش ایسے ہی رہیں گے۔ ہو سکتا ہے بدھ سے کچھ راحت ملے۔ ہماچل پردیش کے اونا اور ہمیر پور اضلاع میں پارہ 40 ڈگری سیلسیس تک پہنچ گیا ہے۔

حکام کے مطابق نجف گڑھ اور اسپورٹس کمپلیکس میں درجہ حرارت 46.2 ڈگری سیلسیس تک پہنچ گیا۔ یہ دونوں علاقے دارالحکومت میں سب سے زیادہ گرم رہے۔ حکام نے کہا کہ ہیٹ ویو جیسی صورتحال اس وقت سمجھی جاتی ہے جب زیادہ سے زیادہ درجہ حرارت معمول سے 4.5 ڈگری زیادہ ہو یا 45 ڈگری سے تجاوز کر جائے۔ اس تکنیکی جائزے کا خلاصہ یہ ہے کہ پیر کو دہلی کے 12 میں سے سات علاقے لو کی زد میں تھے۔ یہاں شہریوں، جانوروں اور پرندوں کو دھوپ کی شدید گرمی اور تیز ہوا کا سامنا کرنا پڑا۔

قومی راجدھانی دہلی اس وقت شمال مغربی ہوا سے بے حال ہے۔ یہ ہوا گرم علاقوں سے آرہی ہے۔ ویدر فورکاسٹنگ سینٹر کے ڈائریکٹر کلدیپ شریواستو نے کہا ہے کہ آسمان پر بادل بالکل بھی نہیں ہیں۔ تیز دھوپ نکلنے جیسے عوامل فعال ہیں۔

ہندوستان کے محکمہ موسمیات کے مرکز کی رصد گاہوں میں پیر کو زیادہ سے زیادہ درجہ حرارت نجف گڑھ اور اسپورٹس کمپلیکس میں 46.2، نریلا میں 45.2، پورا اور پتم پورہ میں 45.8، جعفرپور اور رج میں 44.9 ریکارڈ کیا گیا۔

محکمہ کے حکام کا اندازہ ہے کہ 24 گھنٹے کے بعد کچھ تبدیلی ہو سکتی ہے لیکن آج بھی دن گرم رہے گا۔ زیادہ سے زیادہ درجہ حرارت 43 اور کم سے کم 28 ڈگری سیلسیس رہنے کا امکان ہے۔ موسم رات سے رات تک بدل سکتا ہے۔ گرد آلود ہوا کے ساتھ ہلکی بارش کا امکان۔

محکمہ نے 10 ریاستوں اور مرکز کے زیر انتظام علاقوں میں ڑالہ باری کی وارننگ جاری کی ہے۔ منگل اور بدھ کو ہماچل پردیش، بہار، مغربی بنگال اور سکم میں ڑالہ باری ہوسکتی ہے۔ ہریانہ، چنڈی گڑھ اور دہلی، اتراکھنڈ، راجستھان اور مدھیہ پردیش میں بدھ اور جمعرات کو ڑالہ باری کا امکان ہے۔ جموں و کشمیر، لداخ، پنجاب اور ہماچل پردیش کے کچھ حصوں میں موسلادھار بارش ہوگی۔