اسمبلی انتخابات کو لے کر ہند۔ نیپال سرحد پر ہائی الرٹ

<h3 style="text-align: center;">اسمبلی انتخابات کو لے کر ہند۔ نیپال سرحد پر ہائی الرٹ</h3>
<p style="text-align: right;"> سوپول ، 05 نومبر (انڈیا نیرٹیو)</p>
<p style="text-align: right;">بہار اسمبلی انتخابات کو پرامن ماحول میں کرانے کو لے کر ہند۔ نیپال سرحد پر تعینات ایس ایس بی نے ہائی الرٹ کا اعلان کرتے ہوئے مستعیدی میں اضافہ کر دیا ہے۔ ہر چیک پوسٹ پر گاڑیوں اور لوگوں کے آمدورفت پر مکمل طور سے پابندی لگا دی گئی ہے۔</p>
<p style="text-align: right;">45۔ ویں بٹالین کنولی ایس ایس بی کیمپ کے انچارج رام روپ رام نے بتایا کہ ہند ۔نیپال کی سرحد سے متصل سوپول اور مدھوبنی اضلاع میں 7 نومبر ہفتہ کو تیسرے مرحلے کا انتخاب ہونا ہے۔ اسی کو لے کر نیپال کی سرحد سے لگے راستے اور پگڈنڈیوں پر ایس ایس بی کو تعینات کیا گیا ہے۔</p>
<p style="text-align: right;">واضح ہو کہ بہار اسمبلی انتخابات کے لیے آخری مرحلے کی وٹنگ سات نومبر کو ہے۔ جب کہ بہار اسمبلی انتخابات کا نتیجہ دس نومبر 20 کو سامنے آنے والا ہے۔ نیپال سے متصل تمام سرحدیں آخری مرحلہ کے مد نظر یاتو بند کردیا گیا ہے یا سخت پہرہ ہے تاکہ کسی طرح کی غیر قانونی آمد و رفت کو روکا جاسکے۔ سیتامڑی، مدھوبنی، سوپول وغیر ہ سے متصل سرحدوں پر سخت پہرہ ہے۔ بہار میں شراب وغیرہ بند ہونے کی وجہ سے لوگ نیپال کا سہارا لیتے ہیں ، کسی ان ہونی سے بچنے کے لیے انتظامیہ نے یہ سخت قدم اٹھایا ہے تاکہ بہار انتخابات بہتر طور پر کرایا جاسکے۔</p>.