وزیراعظم نے پلوامہ حملہ کے انکشاف کے بعداپوزیشن سیاسی جماعتوں کو نشانہ بنایا

<h3 style="text-align: center;">وزیراعظم نے پلوامہ حملہ کے انکشاف کے بعداپوزیشن سیاسی جماعتوں کو نشانہ بنایا</h3>
<p style="text-align: right;">احمد آباد / نئی دہلی ، 31 اکتوبر (انڈیا نیرٹیو)</p>
<p style="text-align: right;"> وزیر اعظم نریندر مودی نے ہفتے کے روز پلوامہ حملے کے بارے میں پاکستان کی پارلیمنٹ میں انکشافات کے بعد حزب اختلاف کی جماعتوں کونشانہ بنایا۔انہوں نے کہا کہ پلوامہ حملے کے بعد اول جلول بیان دینے والی اپوزیشن سیاسی جماعتوں کی آنکھیں کھل گئی ہوں گی جونادانستہ طور پر ملک دشمن قوتوں کے ہاتھوں میں کھیل رہی تھیں ، وہ نہ تو ملک کا فائدہ کرسکتی ہیں اور نہ ہی اپنی پارٹی کا۔ انہوں نے کہا کہ ہمیں ہمیشہ یہ یاد رکھنا ہوگا کہ ہم سب کے لیے سب سے بڑا مفاد ملک مفادہے۔</p>
<p style="text-align: right;">مودی کیوڈیامیں منعقدایک فوجی دستوں کی پریڈ پروگرام سے خطاب کررہے تھے ۔انہوں نے کہاکہ وہ یہاں جب نیم فوجی دستوں کی پریڈ دیکھ رہے تھے ،ان کے ذہن میں ایک اور تصویر چل رہی تھی، یہ تصویر پلوامہ حملے کی تھی۔ اسے ملک کبھی بھی فراموش نہیں کرسکتا جب جب ملک کے بہادر بیٹوں کی شہادت سے پوراملک دکھی تھا اور کچھ لوگ اس تکلیف میں اپنے سیاسی مفادات کی تلاش میں تھے۔ مودی کا اشارہ کانگریس اور عام آدمی پارٹی کے رہنماؤں کی طرف تھا۔</p>
<p style="text-align: right;"> قابل ذکر ہے کہ پاکستان کی پارلیمنٹ میں بحث کے دوران ، وہاں کی حکومت نے پلوامہ حملے کو پاکستان کے لئے ایک بڑی کامیابی قرار دیا تھا۔</p>.