عام آدمی پارٹی  نے کرپشن میں کانگریس کو بھی پیچھے چھوڑ دیا: نڈا

نئی دہلی، 16 اکتوبر (انڈیا نیرٹیو)

 بھارتیہ جنتا پارٹی کے قومی صدر جگت پرکاش نڈا نے اتوار کو رام لیلا میدان سے دہلی کی عام آدمی پارٹی (اے اے پی) حکومت پر حملہ کیا اور کارکنوں کی حوصلہ افزائی کی اور انہیں دہلی کے میونسپل انتخابات اور آئندہ اسمبلی انتخابات کے لیے تیار رہنے کو کہا۔ انہوں نے کارکنوں سے مطالبہ کیا کہ وہ دہلی کی موجودہ حکومت کے گھوٹالوں سے عوام تک پہنچ کر واقف کروائیں۔

دہلی بی جے پی کے پنچ پرمیشور سمیلن سے خطاب کرتے ہوئے نڈا نے ایک طرف بی جے پی کے کام اور اس کی حکومتوں کی کامیابیوں کو شمار کیا اور دوسری طرف بدعنوانی کے معاملے پر آپ کو گھیرا۔

نڈا نے کہا کہ کانگریس کمیشن کھانے کے لیے بدنام تھی لیکن عام آدمی پارٹی نے اس معاملے میں بھی  اس کاریکارڈ توڑ دیا ہے۔ بی جے پی صدر نے اتوار کو بلدیاتی انتخابات سے قبل دہلی ریاستی یونٹ کے ذریعہ منعقدہ پنچ پرمیشور پروگرام سے خطاب کیا۔ ایم سی ڈی کے انضمام کے بعد دسمبر میں انتخابات ہونے کا امکان ہے۔

نڈا نے کہا کہ دہلی کے عوام کجریوال حکومت کے گھوٹالوں سے پریشان ہیں، ایسے میں بی جے پی کو عوام کو ایک آپشن دینا ہوگا۔ بی جے پی صدر نے کہا کہ یہ صرف بی جے پی ہی ہے جو اپنے کام کی تفصیلات کے ساتھ عوام کے پاس جاتی ہے

اپنے کام کی وجہ سے بی جے پی نے کئی ریاستوں میں دوبارہ حکومت بنائی ہے۔ انہوں نے نریندر مودی حکومت کی کئی اسکیموں کا بھی ذکر کیا۔