ایرو انڈیا: سی ڈی ایس جنرل چوہان نے ہلکے کثیر جہتی ہیلی کاپٹر میں اڑان بھری

ملکی دفاعی کمپنیوں کے پویلین کا دورہ کرکے اور کاروباریوں کے ساتھ بات چیت کرکے جوش و خروش کا مظاہرہ کیا

گھریلو ضروریات کو پورا کرنے کے لئے جدید تحقیق پر توجہ دینے پر زور دیا

چیف آف ڈیفنس اسٹاف ( سی ڈی ایس ) جنرل انل چوہان نے بدھ کو ایرو انڈیا کے دوران ایئر شو میں کثیر جہتی ہلکے یعنی لائٹ یوٹیلیٹی ہیلی کاپٹر (ایل یو ایچ) میں اڑان بھری۔ ان ہیلی کاپٹروں کو فوج اور فضائیہ میں بڑی تعداد میں شامل کرنے کا منصوبہ ہے۔ انہوں نے گھریلو دفاعی کمپنیوں کے پویلین کا دورہ کیا اور کاروباریوں سے بات چیت کی۔

فوج کے سربراہ جنرل منوج پانڈے اور نائب سربراہ بی ایس راجو نے دفاع اور فضائیہ کے شعبے سے منسلک نمائش لگانے والوں کے ساتھ ہی ایرو انڈیا میں آنے والے مختلف ممالک کے فوجی افسران سے بھی بات چیت کی۔

سی ڈی ایس جنرل انل چوہان نے بدھ کو ایرو انڈیا میں ملکی دفاعی کمپنیوں کے پویلین کا دورہ کیا اور کاروباری افراد سے بات چیت کی۔ انہوں نے ان پر زور دیا کہ وہ بین الاقوامی معیار کے مطابق اور ملکی ضروریات کو پورا کرنے کے لئے مخصوص ٹیکنالوجی کے لئے جدید تحقیق پر توجہ دیں۔

سی ڈی ایس جنرل انل چوہان نے ایرو انڈیا کے دوران ہنگری کے وفد کے ساتھ دو طرفہ میٹنگ کی۔ پیراگوئے کے چیف آف ڈیفنس اسٹاف جنرل ڈی ڈویڑن ایلڈو ڈینیئل اوزونا ریکالڈ نے ‘خود انحصار بھارت’ اقدام کے تحت دفاعی تعاون اور سی ڈی ایس جنرل انل چوہان سے بھارت کی دفاعی صنعت کے ساتھ تعاون کے مواقع کا جائزہ لیا۔

بھارتی فوج کے سربراہ جنرل منوج پانڈے نے بدھ کو ایرو انڈیا میں بھارتی پویلین کا دورہ کیا۔ انہیں نمائش میں رکھے گئے مقامی ہتھیاروں کے نظام اور آلات کے بارے میں بتایا گیا۔