بھارتی فضائیہ میں اگنی ویر بھرتی: پہلی بار خواتین کوبھی موقع ملا

بھارتی فضائیہ میں اگنی پتھ اسکیم کے تحت اگنی ویرو بھرتی کے لئے آن لائن رجسٹریشن 7 نومبر سے شروع ہو گئی ہے۔ جس کی آخری تاریخ 23 نومبر 2022 ہے۔ پہلی بار خواتین امیدواروں کو بھی اگنیور کے انتخاب میں حصہ لینے کا موقع دیا جا رہا ہے۔

پبلک ریلیشن آفیسر (دفاع) کرنل امیتابھ شرما نے کہا کہ دلچسپی رکھنے والے غیر شادی شدہ مرد اور خواتین امیدوار بھارتی فضائیہ کی ویب سائٹ سے بھرتی سے متعلق تمام قوانین کے بارے میں تفصیلی معلومات حاصل کر سکتے ہیں۔

 امیدوار اگنیور کی بھرتی کے لیے 23 نومبر 2022 شام 5 بجے تک لاگ ان کر کے آن لائن رجسٹر کر سکتے ہیں۔ 27 جون 2002 سے 27 دسمبر 2005 کے درمیان پیدا ہونے والے غیر شادی شدہ مرد اور خواتین امیدوار (دونوں تاریخوں سمیت) اس بھرتی کے اہل ہوں گے۔

کلاس 12 ویں یا اس کے مساوی امتحان میں ریاضی، فزکس اور انگریزی بطور سائنس مضامین اور آرٹس اور کامرس اسٹریم کے کسی بھی مضمون میں 50 فیصد نمبرات انگریزی مضمون میں کم از کم 50 فیصد نمبروں کے ساتھ یا 3 سالہ انجینئرنگ ڈپلومہ ہولڈر یا 2 سالہ ووکیشنل کورس پاس امیدوار درخواست دینے کے اہل ہیں۔