Categories: قومی

دہلی دھماکوں کے بعد امت شاہ کا دورہ بنگال رد

Amit Shah's visit to Bengal canceled after Delhi blasts

کولکاتہ ، 30 جنوری ( انڈیا نیرٹیو)

&nbsp;دہلی میں اسرائیلی سفارت خانے کے قریب ہونے والے بم دھماکوں کے بعد مرکزی وزیر داخلہ امیت شاہ کا دورہ بنگال سیکورٹی وجوہات کی بناپر منسوخ کردیا گیا ہے۔ بی جے پی کے ایک اعلیٰ رہنما نے ہفتہ کے روز بتایا کہ یہ فیصلہ سیکورٹی کے لحاظ سے لیا گیا ہے۔

ذرائع نے بتایا ہے کہ اسرائیل ہندستان کا اتحادی ملک ہے اور وزیر داخلہ کی حیثیت سے یہ وزیر داخلہ امت شاہ کی ذمہ داری ہے کہ وہ دہلی دھماکوں کی تحقیقات کی نگرانی کریں اور اس کے پیچھے ہونے والی تمام سازشوں کا پردہ چاک کریں۔

سفارت خانے کے قریب دھماکے کے بعد اسرائیلی خفیہ ایجنسی موساد کے ہائی پروفائل جاسوس بھی دہلی پہنچ گئے ہیں۔ ایسی صورت حال میں ، اگر امت شاہ انتخابی تیاری کے لیے بنگال جاتے ، تو یہ غلط سیاسی اشارہ ہوتا، اس لیے دورہ منسوخ کرنا پڑا۔

واضح ہو کہ کل شام اسرائیلی ایمبسی کے قریب&nbsp; دھماکہ ہوا جس سے کوئی جانی نقصان کی خبر تو نہیں ہے تاہم آس پاس کھڑی گاڑیوں کے شیشے ٹوٹ گئے، اس سے اندازہ ہوتا ہے کہ دھماکہ کافی زور سے ہوا۔

دہلی پولیس کی خصوصی سیل اس دھماکے کی تفتیش کر رہی ہے۔ کچھ زیادہ واضح تو نہیں ہو پایا ہے تاہم ایک خط موصول ہوا ہے جس میں ایران کا نام لیا جا رہا ہے۔ کچھ دھماکےدار مواد ایک ٹیکسی میں سوار دو لوگوں نے لے جا کر رکھا۔ اسپیشل ٹیم ٹیکسی ڈرائیور سے پوچھ گچھ کر رہی ہے۔

اس &nbsp;سب &nbsp;کے پیش نظر وزیر داخلہ امیت شاہ نے بنگال کا دورہ رد کردیا ہے تا کہ ان سارے معاملات پر وہ کڑی نظر رکھ سکے۔