کانگریس اراکین اسمبلی کی پارٹی کے اجلاس پر تذبذب، مبصرین کی میٹنگ جاری

<p dir="RTL" style="text-align: justify;">
چنڈی گڑھ ، 19 ستمبر</p>
<p dir="RTL" style="text-align: justify;">
کیپٹن امریندر سنگھ کے وزیر اعلیٰ کے عہدے سے استعفیٰ دینے کے بعد ، اب پنجاب کانگریس میں اس عہدے کے لیے ہلچل تیز ہو گئی ہے۔</p>
<p dir="RTL" style="text-align: justify;">
وہیں گزشتہ ہفتہ کی شام یہاں منعقدہ کانگریس اراکین اسمبلی کی پارٹی کی میٹنگ میں ، پارٹی صدر سونیا گاندھی کو ایک لائن کی قرارداد منظور کرتے ہوئے کانگریس اراکین اسمبلی کی پارٹی کا لیڈر منتخب کرنے کا اختیار دیا گیا تھا۔ وہیں کانگریس اراکین اسمبلی کی پارٹی کا اجلاس منعقد کیے جانے کی بات کی جا رہی تھی تاہم ذرائع کے مطابق یہ میٹنگ اب نہیں ہوگی۔</p>
<p dir="RTL" style="text-align: justify;">
دریں اثنا ، پارٹی کے مرکزی مبصرین اجے ماکن اور ہریش چودھری اور ریاستی امور کے انچارج ہریش راوت اور سینئر ریاستی لیڈران کے درمیان میٹنگوں کا دور یہاں ایک فائیو اسٹار ہوٹل میں ہفتہ کی رات تک جاری رہی۔ یہ اجلاس اتوار کو بھی جاری ہے۔ کہا جاتا ہے کہ کانگریس اراکین اسمبلی کی پارٹی کے لیڈر کے نام کا فیصلہ دہلی میں اعلیٰ کمان طےکرے گی اور بعد میں اس کا بہ ضابطہ اعلان یہاں کیا جائے گا۔</p>
<p dir="RTL" style="text-align: justify;">
پارٹی کے سابق ریاستی صدر سنیل جاکھڑ ، کابینہ کے وزیر سکھجندر سنگھ رندھاوا اورموجودہ ریاستی صدر نوجوت سنگھ سدھو کے نام بھی وزیراعلیٰ کے عہدے کے دعویداروں میں جڑ گئے ہیں۔ مسٹر سدھو فائیو اسٹار ہوٹل بھی پہنچ گئے ہیں جہاں پارٹی کے سینئر لیڈر ان کی میٹنگ ہو رہی ہے۔ لیکن کارگذار وزیراعلیٰ کیپٹن امریندر سنگھ نے کھل کر کہا ہے کہ اگر مسٹر سدھو کا نام وزیر اعلیٰ کے عہدے کے لیے آگے آئے گا تو وہ اس کی سخت مخالفت کریں گے۔ انہوں نے اسے قومی سلامتی سے جوڑا ہے کیونکہ مسٹر سدھو کے پاکستان کے وزیراعظم عمران خان اور آرمی چیف قمر جاوید باجوہ کے ساتھ قریبی تعلقات ہیں۔ انہوں نے یہاں تک کہا کہ جو شخص ایک وزارت نہیں سنبھال سکتا وہ ریاست کو کیسے سنبھالے گا۔</p>
<p dir="RTL" style="text-align: justify;">
دریں اثنا ، یہ باتیں بھی زیر بحث ہیں کہ پارٹی کے مرکزی لیڈران کی میٹنگ کے بعد یہاں ان کے ریاستی کانگریس ہیڈ کوارٹر جانے کا امکان ہے اور وہاں سے ہائی کمان کے فیصلے کا باقاعدہ اعلان کیا جا سکتا ہے۔ اس سے قبل سابق مرکزی وزیر اور پارٹی کے سینئر لیڈر امبیکا سونی اور ریاستی کابینہ کے وزیر وجے اندر سنگلا کے نام بھی وزیراعلیٰ کے عہدے کی دوڑ میں سامنے آ رہے تھے۔ لیکن محترمہ سونی اب اس دوڑ سے دستبردار ہو گئی ہیں۔ دوسری طرف ، سنگلا اس دوڑ میں پیچھے رہ گئے ہیں ۔</p>
<p dir="RTL" style="text-align: justify;">
وہیں مسٹر رندھاوا کے یہاں سیکٹر-39 واقع رہائش گاہ پر بھی ان کے حامی اراکین اسمبلی کی میٹنگ جاری ہے۔ مسٹر جاکھڑ کے پنچکولہ (ہریانہ) واقع رہائش گاہ پر بھی ہلچل ہے اور یہاں میٹنگوں کا دورہ جاری ہے۔ اس طرح کی چرچا ہے کہ ریاست کو آج ایک وزیراعلیٰ کے ساتھ نائب وزیراعلیٰ بھی مل سکتا ہے۔</p>