سمندری طوفان’یاس‘ سے بڑی تباہی کا خطرہ

<p dir="RTL" style="text-align: justify;">
اندیشہ ہے کہ سمندری طوفان ’یاس‘ ، بہت شدید سمندری طوفان کی شکل اختیار کرلے گا اور بدھ کے روز اڈیشہ اور مغربی بنگال کے ساحل کو پار کرے گا۔ بھارتی محکمۂ موسمیات، <span dir="LTR">IMD </span>نے کہاہے کہ کَل مشرقی۔وسطی خلیج بنگال اور اُس سے متصل شمالی انڈومان کے سمندر میں کم دباؤ کا حلقہ موجود تھا۔</p>
<p dir="RTL" style="text-align: justify;">
امید ہے کہ یہ 26 مئی کی شام تک مغربی بنگال اور اُس سے متصل شمالی اڈیشہ اور بنگلہ دیش کے ساحل سے ٹکرائے گا۔بھوبنیشور میں<span dir="LTR">IMD </span>کے ڈائریکٹر ایچ آر بسواس نے کہاہے کہ شمالی ساحلی اڈیشہ میں منگل کے روز ہلکی اور معتدل بارش ہونے کا امکان ہے۔</p>
<p dir="RTL" style="text-align: justify;">
<strong>مرکز نے ’یاس</strong><strong><span dir="LTR">‘</span></strong><strong>سے نمٹنے کے لیے تیاریوں کا جائزہ لیا</strong></p>
<p dir="RTL" style="text-align: justify;">
<strong> بھارتی بحریہ کے جہاز اور طیارے بچاؤ اور امدادی کارروائیوں کے لیے تیار</strong></p>
<p dir="RTL" style="text-align: justify;">
مشرقی وسطی خلیج بنگال پر ہوا کے کم دباؤ کا حلقہ بناہواہے۔ بھارتی محکمۂ موسمیات، <span dir="LTR">IMD </span>کے مطابق اِس میں آج مزید شدت آئے گی اور یہ سمندری طوفان کی شکل اختیار کرلے گا۔ اِس کے بعد یہ مزید شدت اختیار کرکے بہت شدید سمندری طوفان میں تبدیل ہوجائے گا۔ امید ہے کہ یہ سمندری طوفان 26 مئی کی شام تک مغربی بنگال-شمالی اڈیشہ اور بنگلہ دیش کے ساحل کو پار کرلے گا۔ اسی مناسبت سے اڈیشہ کے تمام ساحلی اضلاع میں تیاریاں کی گئی ہیں اور لوگوں کو نشیبی علاقوں سے ہٹایا جارہا ہے۔ </p>
<p dir="RTL" style="text-align: justify;">
اِس دوران کابینہ سکریٹری راجیو گوبا کی صدارت میں کَل بحران کے بندوبست کی قومی کمیٹی<span dir="LTR">NCMC </span>نے خلیج بنگال میں سمندری طوفان ’یاس‘ سے نمٹنے کیلئے مرکزی اور ریاستی حکومتوں اور ایجنسیوں کی تیاریوں کا جائزہ لیا۔ </p>
<p dir="RTL" style="text-align: justify;">
مرکزی اور ریاستی ایجنسیوں کی تیاریوں کا جائزہ لیتے ہوئے انہوں نے اِس بات پر زور دیا کہ تمام اقدامات وقت پر کیے جانے چاہئیں تاکہ جان و مال کے نقصان کو کم سے کم کیا جاسکے۔ </p>
<p dir="RTL" style="text-align: justify;">
جناب گوبا نے اِس بات پر بھی زور دیا کہ کووڈ کے مریضوں کے تحفظ کو یقینی بنایا جائے اور کووڈ اسپتالوں اور مراکز کے کام کاج میں رخنہ اندازی سے گریز کیا جائے۔<span dir="LTR">IMD </span>کے ڈائریکٹر جنرل نے کمیٹی کو طوفان کی موجودہ صورتحال کے بارے میں مطلع کیا، جس کے بدھ کی شام تک مغربی بنگال اور اِس سے متصل شمالی اڈیشہ کے ساحل تک پہنچنے کی امید ہے۔ اِس طوفان میں ہوا کی شدت 155 سے 165 کلو میٹر فی گھنٹہ تک ہونے کی امید ہے۔</p>
<p dir="RTL" style="text-align: justify;">
اِس میٹنگ میں مغربی بنگال، اڈیشہ، تمل ناڈو، آندھراپردیش، انڈومان و نکوبار اور پڈوچیری کے چیف سکریٹریوں نے شرکت کی۔ اِن کے علاوہ امور داخلہ، بجلی، جہاز رانی، ٹیلی مواصلات، پیٹرولیم اور قدرتی گیس، شہری ہوا بازی، ماہی گیری کی وزارتوں کے سکریٹریوں، ریلوے بورڈ کے چیئرمین، <span dir="LTR">NDMA</span>کے ممبر سکریٹری، <span dir="LTR">IDS </span>کے سربراہ اور کوسٹ گارڈ، <span dir="LTR">NDRF </span>اور<span dir="LTR">IMD </span>کے ڈائریکٹر جنرلوں نے میٹنگ میں شرکت کی۔</p>
<p dir="RTL" style="text-align: justify;">
سمندری طوفان ”یاس“ کے پیش نظر راحت اور بچاﺅکی کارروائی کے لیے بھارتی بحریہ کے بحری جہازوں اور فضائی طیاروں کو تیار رکھا گیا ہے۔ وزارت دفاع نے کہا ہے کہ بھارتی بحریہ سمندری طوفان کے پیشِ رفت پر قریبی نظر رکھے ہوئے ہے۔ مشرقی بحری کمان کے ہیڈ کوارٹرس اور مغربی بنگال اور اڈیشہ<span dir="LTR">Area </span>کے بحری افسران کے انچارج نے سمندری طوفان<span dir="LTR">'Yaas' </span>کے اثرات پر قابو پانے کے لیے تیاریاں کرلی ہیں۔ تیاریوں کے حصے کے طور پر موجودہ وسائل کو بڑھانے کےلیے سیلاب سے متعلق 8 امدادی ٹیموں اور 4 غوطہ ٹیموں کو اڈیشہ اور مغربی بنگال میں تعینات کردیا گیا ہے۔</p>
<p dir="RTL" style="text-align: justify;">
اڈیشہ اور مغربی بنگال ساحل سے متصل سب سے زیادہ متاثرہ علاقوں میں مدد پہنچانے کےلیے 4 بحری جہازوں کو<span dir="LTR">Humanitarian Assistance & Disaster Relief (HADR) bricks</span>یعنی انسانی ہمدردی اور آفات سے متعلق راحت دینے، غوطہ خوروں اور طبی ٹیموں کے ساتھ تیار رکھا گیا ہے۔</p>
<p dir="RTL" style="text-align: justify;">
وشاکھاپٹنم میں<span dir="LTR">INS Dega </span>کو<span dir="LTR">Naval Air Stations </span>پر بحری طیاروں اور چنّئی کے نزدیک<span dir="LTR">INS Rajali </span>کو سب سے زیادہ متاثرہ علاقوں کا جائزہ لینے، ہلاک ہونے والوں کو باہر نکالنے اور جہاں ضرورت ہو، وہاں امدادی پیکٹ گرانے کےلیے تیار رکھا گیا ہے۔</p>