قومی

پاکستان کےساتھ جنگ میں شہیدکیپٹن ملاکی یادمیں بیٹیوں نےٹرافی کاآغازکیا

پاکستان کے ساتھ 1971 کی جنگ میں ہندوستانی بحریہ کے جنگی جہاز آئی این ایس کھکری کے ساتھ موت کو گلے لگانے والے جہاز کے کپتان مہندر ناتھ ملا کی بیٹیوں نے اپنے والد کے اعزاز میں ایک ٹرافی دینے کی ابتدا کی ہے۔

 اسے ‘کیپٹن ایم این ملا میموریل آؤٹ اسٹینڈنگ اسٹوڈنٹ ایوارڈ’ کا نام دیا گیا ہے۔ یہ ایوارڈ نیوی چلڈرن اسکول کے دو بچوں کو دیا جائے گا۔ کیپٹن ملا کو نمایاں بہادری اور لگن کا مظاہرہ کرنے پر بعد از مرگ مہا ویر چکر سے نوازا گیا تھا۔

ہندوستانی بحریہ  کے جنگی جہاز آئی این ایس کھکھری کا پورا نام انڈین نیول شپ کھکری تھا۔ 1971 کی ہند و پاک جنگ کے دوران 9 دسمبر 1971 کی رات کو پاکستانی آبدوز پی این ایس ہنگور نے جہاز کو تباہ کیا تھا۔

 جہاز دیو کے ساحل سے 40 ناٹیکل میل دور 18 افسران اور 176 ملاحوں کے ساتھ ڈوب گیا۔ جہاز کے اس وقت کے کیپٹن کمانڈنگ آفیسر مہندر ناتھ ملا نے خود کو بچانے کے بجائے اپنے پورے عملے کا ساتھ دیا۔

انہوں نے اپنی لائف جیکٹ جونیئر افسر کو دی اور تمام ساتھیوں سمیت جہاز میں رہنے کا حکم دیا۔ کیپٹن ملا بعد میں یہ دیکھنے کے لئے اوپر واپس گئے کہ کیا مزید امدادی کارروائیاں کی جا سکتی ہیں۔ اسی دوران کیپٹن ملا کو اپنے جہاز کے ساتھ سمندر کی گہرائیوں میں ڈوبتے دیکھا گیا۔

 کیپٹن ملا کو نمایاں بہادری اور لگن کا مظاہرہ کرنے پر بعد از مرگ مہا ویر چکر سے نوازا گیا۔ جہاز کے دونوں کمانڈروں منو شرما اور لیفٹیننٹ کندن مل کو ملک کا دوسرا سب سے بڑا بہادری ایوارڈ ملا تھا۔

آنجہانی کیپٹن مہندر ناتھ ملا کی بیٹیوں امیتا ملا واٹل اور انجلی کول نے دہلی کے نیوی چلڈرن اسکول (این سی ایس) میں اپنے والد کے اعزاز میں ٹرافی کی بنا ڈالی ہے۔ ایک تقریب کے دوران اسکول کو 1.50 لاکھ روپئے کی رقم اور رولنگ ٹرافی سے نوازا گیا۔

آئی این بیورو

Recent Posts

رجنی کانت کی فلم ’جیلر‘ پر شائقین کا ردعمل

رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…

9 months ago

کشمیر میں’میری ماٹی، میرا دیش‘مہم کے تحت متعدد تقریبات منعقد

مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…

9 months ago

یُگ پریورتن: جموں و کشمیر کا تبدیلی کا سفر

جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…

9 months ago

بھارت کے نقشے کی تصویر کا قالین بُننے والا کشمیری قالین باف محمد مقبول ڈار سے ملیں

شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…

9 months ago

زعفران کی آسمان چھوتی قیمت کشمیر کے کسانوں کے چہروں پر لے آئی مسکراہٹ

زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…

9 months ago

لال چوک پر تجدید شدہ کلاک ٹاور سری نگر کے قلب میں لندن کی جھلک کررہا ہے پیش

سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…

9 months ago