سڑک ٹرانسپورٹ ، شاہراہوں اور شہری ہوابازی کے مرکزی وزیر مملکت جنرل ڈاکٹر وی کے سنگھ (ریٹائرڈ) نے کہا ہے کہ بھارت کے 5 ٹریلین امریکی ڈالر کی معیشت کے ہدف کو حاصل کرنے کو یقینی بنانے کے لئے ملک کو بنیادی ڈھانچے کی ترقی میں 5 گنا زیادہ سرمایہ کاری کرنے کی ضرورت ہے۔ پی ایچ ڈی سی سی آئی کے ذریعے منعقدہ گتی شکتی : 5 ٹریلین امریکی ڈالر والی معیشت کی جانب مارچ کرنے کے لئے بھارت کے بنیادی ڈھانچے کو ترقی میں تبدیل کرنے کے موضوع پر کانفرنس سے خطاب کرتے ہوئے ، انہوں نے کہا کہ حکومت تیز رفتار نقل و حمل، کم لاگت والے ایندھن اور کم لاگت کو یقینی بنانے کی خاطر مشترکہ افادیتی کاریڈور قائم کرنے پر غور کر رہی ہے ۔
ڈاکٹر سنگھ نے پی ایم گتی شکتی کی اہمیت پر زور دیا ، جسے اُن چیلنجوں سے نمٹنے کے لئے تیار کیا گیا ہے ، جو بنیادی ڈھانچے کے شعبے میں تیز تر ترقی میں رکاوٹ بن رہے ہیں ۔
وزیر موصوف نے کہا کہ پروجیکٹوں کے مقررہ وقت میں نفاذ اور تکمیل پی ایم گتی شکتی کے ماسٹر پلان کے کلیدی شعبوں میں شامل ہیں ۔ انہوں نے کہا کہ منصوبے کا بنیادی مقصد بنیادی ڈھانچے سے متعلق مسائل کے حل کے ساتھ ، اُن کی ترقی میں تیزی لانے کے لئے ایک فریم ورک تیار کرنا ہے ۔ انہوں نے مزید کہا کہ اس فریم ورک میں کسی بھی رکاوٹ کے بغیر ایک ہی مرتبہ میں مختلف پروگراموں کو تمام متعلقہ محکموں کے ذریعے توجہ دی جاتی ہے ۔