کوئلہ بلاکس کی تجارتی نیلامی کے لئے بولیاں لگانے کی مقررہ تاریخ میں توسیع

کوئلہ کانوں کی تجارتی نیلامیوں  کے پانچویں دور کی چھٹی  اوردوسری  کوشش کے لئے بولیاں لگانے کی حتمی تاریخ میں ، پہلے کی طے شدہ تاریخ سے دوہفتے  کی توسیع کرکے اسے 13جنوری 2023کردیاگیاہے ۔ بولیاں لگانے والوں کو ، مناسب اورمحتاط کوشش کرنے اورزیادہ بڑے پیمانے پر بولیاں لگانے کے عمل کو فروغ  دینے کے مقصد  سے ، خاطرخواہ وقت فراہم کرنےکی خاطر، یہ فیصلہ کیاگیاہے کہ بولیاں لگانے کی حتمی تاریخ میں مزید دوہفتے کی توسیع  کردی جائے ۔

کوئلہ کی وزارت نے ٹینڈر دستاویز اورکوئلہ بلاکوں کی ترقی اور پیداوار  کے سمجھوتے (سی بی ڈی پی اے ) کی شرائط   میں بعض  ترامیم کی ہیں ۔ یہ ترامیم صنعت کے ساتھ صلاح ومشورے اورموصولہ تاثرات کی بنیاد پرکی گئی ہیں ۔ کوئلہ سے متعلق قومی اشاریہ  کی بنیاد پربینک ضمانت کی کارکردگی میں سالانہ نظرثانی کئے جانے کے بجائے ، بینک ضمانت کی کارکردگی  میں پہلی نظرثانی اب ، کانیں کھولے جانے کی اجازت ملنے کے بعد اورکوئلہ کی پیداوار  میں کمی ہونے کے معاملے میں قابل ادائیگی  آمدنی کوطے کرنے کے لئے کوئلہ کے متعلقہ درجہ  یاگریڈ کی بنیاد پرکی جائے گی ۔