پنجاب کی کسان بیٹیوں نے رقم کر دی تاریخ، بھارتی فضائیہ میں فلائنگ بنیں آفیسر

مائی بھاگو آرمڈ فورسز پریپریٹری انسٹی ٹیوٹ فار گرلز کے دو سابق طالبات ، ایوراج کور اور پربھسمرن کور، کو ایئر فورس اکیڈمی، حیدرآباد میں تربیت کے بعد ہفتہ کو ہندوستانی فضائیہ میں فلائنگ آفیسرز کے طور پر کمیشن  ملا ہے۔

فلائنگ آفیسر ایوراج کور، جو فلائنگ برانچ میں بطور ہیلی کاپٹر پائلٹ شامل ہوں گی، روپ نگر ضلع کے ایک کسان جسپریت سنگھ کی بیٹی ہیں، جب کہ فلائنگ آفیسر پربھسمرن کور کے والد، پرمجیت سنگھ بھی ضلع گورداسپور کے ایک کسان ہیں۔ پربھاسمرن کو فضائیہ کی ایجوکیشن برانچ میں تعینات کیا جائے گا۔

پنجاب کے وزیر برائے ایمپلائمنٹ جنریشن، اسکل ڈویلپمنٹ اینڈ ٹریننگ امن اروڑہ نے دونوں نئے کمیشنڈ افسران کو مبارکباد دیتے ہوئے کہا کہ پنجاب کی ان بیٹیوں کے کسان باپ ہیں اور ان کی کامیابی یقینی طور پر پنجاب کے چھوٹے شہروں اور دیہاتوں کے بچوں کو دفاعی خدمات میں شامل ہونے کی ترغیب دے گی۔ کمیشنڈ آفیسر بن کر آپ کو ملک کی خدمت کرنے کی ترغیب دیں گی ۔

  قابل ذکر ہے کہ مائی بھاگو اے ایف پی آئی، محکمہ ایمپلائمنٹ جنریشن،ا سکل ڈویلپمنٹ اینڈ ٹریننگ، پنجاب کے تحت کام کر رہی ہے، اس کا ایک رہائشی کیمپس ہے جس میں جدید ترین انفراسٹرکچر ہے اور یہ ملک میں اپنی نوعیت کا واحد کیمپس ہے۔

کابینی وزیر نے بتایا کہ ریاست کی لڑکیوں کے دفاعی خدمات میں شامل ہو کر قوم کی خدمت کرنے کے خواب کو پورا کرنے کے لیے، وزیر اعلی بھگونت مان کی قیادت والی پنجاب حکومت نے حال ہی میں مائی بھاگو میں این ڈی اے پریپریٹری ونگ (لڑکیوں) کے قیام کی منظوری دی ہے۔ اے ایف پی آئی کی منظوری دے دی گئی ہے جہاں اس سال جولائی سے ٹریننگ شروع ہوگی۔