وزیر خزانہ نرملا نے گرودیو کی نظم سے بجٹ تقریر کا کیا آغاز، بنگال کو تحفہ

<p dir="RTL">
کولکاتہ / نئی دہلی ، 02 فروری (انڈیا نیرٹیو)</p>
<p dir="RTL">
مغربی بنگال میں آنے والے انتخابات کے درمیان ، مرکزی وزیر خزانہ نرملا سیتارامن نے اپنے بجٹ تقریر کا آغاز گرودیو رابندر ناتھ ٹیگور کی ایک نظم سے کیا۔ اس کے ساتھ ، انہوں نے بجٹ میں مغربی بنگال کو ایک بڑا تحفہ دینے کا بھی اعلان کیا۔ انہوں نے مغربی بنگال کے لیے 6500 کلومیٹر لمبی شاہراہ کا اعلان کیا ، جس کی تعمیر میں 25 ہزار کروڑ روپئے لاگت آئے گی۔</p>
<p dir="RTL">
مرکزی وزیر خزانہ کا یہ اعلان اسمبلی انتخابات کے پیش نظر بہت اہم سمجھا جارہا ہے۔ سیتارامن نے کہا ، 'مغربی بنگال میں 6500 کلومیٹر لمبی شاہراہ ہے۔ اس پر 25 ہزار کروڑ روپئے خرچ ہوں گے۔ اس میں کولکاتہ-سلیگوڑی روڈ کی مرمت بھی شامل ہے۔</p>
<p dir="RTL">
بجٹ تقریر کے آغاز میں نوبل انعام یافتہ ایب اور شاعر رابندر ناتھ ٹیگور کی ایک نظم کے مصرعہ کا ذکر کرتے ہوئے سیتارامن نے کہا ،’’اعتماد وہ چڑیاہے جو صبح کے اندھیرے میں بھی روشنی محسوس کر لیتی ہے اور گاتی ہے ۔‘‘</p>
<p dir="RTL">
سیتارمن نے کہا کہ تاریخ کا یہ لمحہ ایک نئے دور کا آغاز ہے ، جس میں ہندوستان امید کی سرزمین بننے کی طرف گامزن ہے۔ اس کے ساتھ ہی ، کولکاتہ-سلیگوڑی روٹ کی مرمت پر بھی توجہ دی جائے گی۔ یہاں ، جیسے ہی وزیر خزانہ نے بنگال کے لئے اعلان کیا پارلیمنٹ میں تالیاں بجائی گئیں۔ خاص طور پر بنگال سے تعلق رکھنے والے بی جے پی کے ممبران پارلیمنٹ نے جم کر تالیاں بجائیں۔</p>