Categories: قومی

سوشل میڈیا پر حکومت کی بڑی کارروائی ،کسانوں کی تحریک کو لے کر 250 سے زیادہ ٹویٹر اکاونٹس معطل

Twitter

نئی دہلی ،یکم فروری ( انڈیا نیرٹیو)

کسانوں کی تحریک کو لے کر آج سرکار نے سوشل میڈیا کے خلاف بڑی کارروائی کی ہے ۔ تحریک کے بارے میں افواہ پھیلانے کے الزام میں 250 ٹویٹر اکاونٹس کو معطل کردیا گیا ہے۔ پیر کے روز حکومت کے کہنے پر ، ٹویٹر نے کسان ایکتا مورچہ اور کاروان سمیت ان ٹویٹر اکاؤنٹس پر پابندی عائد کردی ہے۔

ٹویٹر کے ذریعہ معطل اکاونٹس میں کسان ایکتا مورچہ ، کارواں انڈیا ، مانک گوئل ، ٹریکٹر 2 ٹویٹر اور جٹ۔جنکشن شامل ہیں۔ ٹویٹر کو ایک مخصوص ہیش ٹیگ کا استعمال کرتے ہوئے 250 سے زیادہ اکاونٹس یا ٹویٹس بلاک کرنے کو کہا گیا تھا۔ وہ ہفتہ کے روز &#39;مودی پلاننگ فارمرجینوسائڈ&#39; ہیش ٹیگ کا استعمال کر رہے تھے اور الزام ہے کہ جعلی ، دھمکی آمیز اور اشتعال انگیز ٹویٹس کر رہے تھے۔

ذرائع کے مطابق ، آئی ٹی وزارت نے ہفتے کو ٹویٹر کو ہدایت دی کہ ٹویٹ اور اشتعال انگیز ٹویٹس پر آئی ٹی ایکٹ کے سیکشن 69 اے کے تحت 250 ٹویٹس اور ٹویٹر اکاونٹ بلاک کردیئے جائیں۔ وزارت داخلہ نے آئی ٹی وزارت سے ٹویٹر کو 250 اکاونٹس بند کرنے کی ہدایت کرنے کی درخواست کی تھی۔ یہ اکاونٹس کسانوں کے احتجاج کے درمیان اشتعال انگیز ٹویٹس کرکے امن و امان کی صورتحال کو خطرہ پیدا کرسکتے ہیں۔

ادھر ، نیشنل براڈکاسٹر پرسار بھارتی کے سی ای او ششی شیکھر کا ٹویٹر اکاونٹ بھی بند ہوگیا ہے۔لوگوں کاماننا ہے کہ ایسا شاید غلطی سے ہو گیا ہے ۔ان کے اکاونٹ پر بھی یہ تحریر ہے کہ قانونی مطالبے کے سبب بھارت میں یہ اکاونٹ بند کیا گیا ہے ۔

&nbsp;بھارت میں متعدد ٹویٹر اکاونٹس کو بند کرنے کے مرحلے میں ، ٹویٹر نے ایک بیان جاری کیا ہے۔ بیان میں کہا گیا ہے کہ اگر ہمیں کسی مجاز ادارے سے مکمل طور پر تصدیق شدہ درخواست موصول ہوتی ہے تو پھر وقتا فوقتا کسی خاص ملک میں کسی خاص مواد تک رسائی پر پابندی لگانا ضروری ہوجاتا ہے۔