جی۔20 گروپ کی پہلی میٹنگ کولکاتہ میں، ڈیجیٹل لین دین پر توجہ مرکوز

بھارت کی صدارت میں پیر کو جی- 20 عالمی شراکت داری برائے مالیاتی شمولیت (جی پی ایف آئی) کا پہلا تین روزہ اجلاس پیر کو کولکاتہ میں ہندوستان کی صدارت میں شروع ہوا۔ مغربی بنگال کی وزیر اعلیٰ ممتا بنرجی نے بھی جی پی ایف آئی کی پہلی میٹنگ میں شرکت کی۔

نیدرلینڈ کی ملکہ میکسیما’عالمی شراکت داری برائے مالی شمولیت‘ کے تین روزہ اجلاس کے افتتاحی اجلاس سے خطاب کریں گی۔ حکام کے مطابق میٹنگ میں ڈیجیٹل مالیاتی شمولیت کے اصولوں، ترسیلات زر کی لاگت اور ایس ایم ایز کو فنانس کی دستیابی اور مالی شمولیت کو آگے بڑھانے کے لیے عالمی شرکت اور ڈیجیٹل اختراعات پر توجہ مرکوز کی گئی۔

جی پی ایف آئی میٹنگ میں مالی شمولیت کو آگے بڑھانے کے لیے ڈیجیٹل اختراع پر ایک نمائش میں ہندوستان کی مقامی ٹیکنالوجیز کی نمائش کی گئی ہے۔ جی – 20 ممالک کے ممبران کو آدھار، یوپی آئی،ای-سائن اورڈی جی لاکر دکھائے جا رہے ہیں۔

اس دیسی ٹیکنالوجی سے اربوں لوگوں کی زندگیاں متاثر ہوئی ہیں، جو ایک بے مثال سنگ میل ثابت ہوئی ہے۔جی پی ایف آئی کے پہلے اجلاس میں تمام ممبر ممالک، مدعو ممالک، مدعو تنظیمیں جیسے ورلڈ بینک، انٹرنیشنل مانیٹری فنڈ اور اقوام متحدہ شرکت کر رہے ہیں۔

مالی شمولیت کے لیے عالمی شراکت داری اجلاس کے پہلے سیشن میں بحث کا بنیادی نکتہ ہے۔ اس میٹنگ کا مقصد اس بات پر تبادلہ خیال کرنا ہے کہ انڈیا اسٹیک کو مختلف ممالک کس طرح مؤثر طریقے سے استعمال کر سکتے ہیں۔