گیس غبارے کے ساتھ ملا لاہور بار ایسوسی ایشن کا جھنڈا، مرکزی ایجنسیاں جانچ میں مصروف

اترکاشی،31 دسمبر (انڈیا نیریٹو)

ضلع چنیالیسوڑ کے تلیاڈا گاؤں کے قریب جھاڑیوں سے ملے لاہور بار ایسوسی ایشن کے جھنڈے کی جانچ انٹیلی جنس ایجنسیوں نے شروع کر دی ہیں۔

اترکاشی کے سپرنٹنڈنٹ آف پولیس ارپن یدوونشی نے بتایا کہ پاکستان لاہور بار ایسوسی ایشن کا جھنڈا جھاڑیوں میں گیس کے غباروں کے ساتھ اترکاشی کے چنیالیسوڑ کے تلیاڈا میں گرا ہوا ملا۔ ملک کی سلامتی سے جڑا معاملہ ہونے کی وجہ سے مرکزی ایجنسیوں کو اس کی جانکاری دی گئی ہے۔ ایجنسیوں نے آج سے ہی تحقیقات شروع کر دی ہیں۔

مرکزی اور ریاستی انٹیلی جنس ایجنسیاں اس بات کی تحقیقات کر رہی ہیں کہ آیا پاکستانی جھنڈا سرحد پار سے پہاڑوں میں گیس کے غباروں کی مدد سے اتنا دور آ سکتا ہے یا مقامی سطح پر ایسا ہوا ہے۔

بتا دیں کہ چنیالیسوڑ چین کی سرحد پر ہے، یہاں سے چین کی سرحد کا فضائی فاصلہ 70 کلومیٹر ہے۔ تحقیقاتی ایجنسی اتنی دور سے گیس کے غباروں کے ساتھ جھنڈا آنے کے امکان کو مسترد کر رہی ہے۔ ادھر، ریاستی اور مرکزی انٹیلی جنس ایجنسیوں نے ضلع سے ایک ٹیم کو مذکورہ مقام پر بھیج کر تفصیلی رپورٹ طلب کی ہے