Categories: قومی

سابق صدر جمہوریہ ہند پرنب مکھرجی کا انتقال

سابق صدر جمہوریہ ہند پرنب مکھرجی کا 31اگست کو دہلی کے آرمی اسپتال میں انتقال ہو گیا۔ سابق صدر جمہوریہ ہند پرنب مکھرجی84سال کے تھے۔ اسپتال کے ذرائع نے بتایا کہ انھیں پھیپھڑوں میں انفکشن کی شکایت تھی۔
دس اگست کو انھیں دہلی کے آرمی ریسرچ اینڈ ریفرل ہاسپٹل میں ایڈمت کیا گیا تھا۔ جہاں امرجنسی میں ان کی برین سرجری ہوی تھی۔ برین سرجری کے بعد ان کو وینٹیلیٹر سپورٹ پر رکھا گیا تھا۔ درمیان میں ایک دو روز ان کی طبیعت میں سدھار کی خبریں موصول ہوئی تھیں لیکن پھر ان کی طبیعت بگڑتی چلی گئی۔ ان کے بیٹے اور سابق ممبر آف پارلیمنٹ ابھیجیت مکھرجی اور ان کی بیٹی سرمشٹھا مکھرجی اکثر ان کی طبیعت کی خرابی کی خبریں دیتے رہے تھے۔
سابق صدر جمہوریہ ہند پرنب مکھرجی کے صاحب زادے ابھیجیت مکھرجی نے ٹویٹ کر کے جانکاری دی کہ ان کے والد پرنب مکھرجی اب اس دنیا میں نہیں رہے۔ انھوں نے لکھا کہ "" نہایت دکھ اور غم کے ساتھ آپ سب کو یہ اطلاع دی جا رہی ہے کہ آر آر ہاسپٹل کے ڈاکٹروں کی بہترین کوششوں کے باوجود میرے والد شری پرنب مکھرجی کا ابھی ابھی انتقال ہو گیا ہے۔ ملک بھر کے عوام کی دعاؤں، عبادات اور پرارتھنا کے بعد بھی ان کو بچایا نہیں جا سکا۔ ہم آپ سب کے شکر گزار ہیں۔""
یہ خبر نہایت غم انگیز ہے کہ سابق صدر جمہوریہ ہند پرنب مکھرجی اب ہمارے درمیان نہیں رہے۔ ان کے انتقال سے ایک دور کا خاتمہ ہو گیا۔ انھوں نے پوری ایمانداری سے بھارت ماتا کی خدمت کی۔ آج ملک اپنے ایک سپوت کے اس دنیا سے چلے جانے کا سوگ منا رہا ہے۔
بھارت رتن پرنب مکھرجی جدید و قدیم کا سنگم تھے۔ ان کے انتقال پر ہم ان کے اہل خانہ، عزیز و اقارب اور ملک کے تمام شہریوں سے اظہار تعزیت کرتے ہیں۔
پرنب مکھرجی اپنے سیاسی زندگی میں کبھی کسی تنازعہ کا شکار نہیں ہوئے۔ پانچ دہائیوں پر محیط ان کی سیاسی زندگی بے داغ رہی ہے۔ وہ تمام سیاسی جماعتوں کے لئے یکساں طور پر قابل احترام تھے۔
ملک کے اولین شہری کے طور پر بھی وہ عام آدمی سے جڑے رہے۔ انھوں نے راشٹرپتی بھون کو عوام کے قریب لانے کا کام کیا۔ موجودہ صدر جمہوریہ ہند شری رام ناتھ کووند نے اپنے ایک ٹویٹ میں سابق صدر جمہوریہ ہند پرنب مکھرجی کو خراج عقیدت پیش کرتے ہوئے کہا کہ پرنب دا نے خود کو ہز ایکسسیلینسی کی امیج سے باہر نکال لیا تھا۔ وہ عوام کے راشٹرپتی تھے۔
کانگریس کے اس عظیم لیڈر کو گزشتہ سال بھارت رتن سے نوازا گیا تھا۔ آج پورا ملک سابق صدر جمہوریہ ہند پرنب مکھرجی کے لئے سوگوار ہے۔.

Dr. S.U. Khan

Dr. Shafi Ayub editor urdu

Recent Posts

رجنی کانت کی فلم ’جیلر‘ پر شائقین کا ردعمل

رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…

9 months ago

کشمیر میں’میری ماٹی، میرا دیش‘مہم کے تحت متعدد تقریبات منعقد

مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…

9 months ago

یُگ پریورتن: جموں و کشمیر کا تبدیلی کا سفر

جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…

9 months ago

بھارت کے نقشے کی تصویر کا قالین بُننے والا کشمیری قالین باف محمد مقبول ڈار سے ملیں

شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…

9 months ago

زعفران کی آسمان چھوتی قیمت کشمیر کے کسانوں کے چہروں پر لے آئی مسکراہٹ

زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…

9 months ago

لال چوک پر تجدید شدہ کلاک ٹاور سری نگر کے قلب میں لندن کی جھلک کررہا ہے پیش

سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…

9 months ago