کپل سبل نے چھوڑا کانگریس کا دامن ، 30برس کا رشتہ راجیہ سبھا بننے کے لیے ختم

<p dir="RTL" style="text-align: justify;">
<strong>یوپی : ایس پی سربراہ کی موجودگی میں راجیہ سبھا کے لیے پرچہ نامزدگی داخل کیا</strong></p>
<p dir="RTL" style="text-align: justify;">
لکھنؤ، 25 مئی (انڈیا نیرٹیو)</p>
<p dir="RTL" style="text-align: justify;">
راجیہ سبھا کے لیے سابق مرکزی وزیر کپل سبل نے بدھ کو ودھان سبھا کے پرشوتم داس ٹنڈن ہال میں آزادانہ طور پر اپنا  پرچہ  نامزدگی داخل کیا۔ اس دوران سماج وادی پارٹی کے قومی صدر اکھلیش یادو، پروفیسر رام گوپال یادو اور ریاستی صدر نریش اتم موجود تھے۔</p>
<p dir="RTL" style="text-align: justify;">
کاغذات نامزدگی داخل کرنے کے بعد کپل سبل نے صحافیوں کے سوالوں کا جواب دیتے ہوئے کہا کہ ہم اپوزیشن میں رہ کر ایک مضبوط اتحاد بنانا چاہتے ہیں تاکہ 2024 میں مودی کی مخالفت کر سکیں۔ میں راجیہ سبھا میں عوام کی آواز اٹھاؤں گا۔ میں کانگریس لیڈر نہیں ہوں۔ میں نے 16 مئی کو ہی کانگریس سے استعفیٰ دے دیا تھا۔ پچھلی بار بھی میں یوپی سے راجیہ سبھا گیا تھا۔</p>
<p dir="RTL" style="text-align: justify;">
سماج وادی پارٹی نے کپل سبل کی حمایت کی ہے۔ اکھلیش یادو نے کہا کہ کپل سبل ایک کامیاب وکیل ہیں اور وہ اپنی بات بہت اچھی اور صاف گوئی سے رکھتے ہیں۔ انہوں نے کئی بڑے کیس لڑے ہیں۔ وہ راجیہ سبھا اور لوک سبھا کے رکن بھی رہ چکے ہیں۔ راجیہ سبھا میں وہ بڑے سوالات پر اپنی بات رکھیں گے۔ انہوں نے مزید کہا کہ جن لوگوں کو راجیہ سبھا بھیجنا ہے ان کی فہرست جلد جاری کی جائے گی۔</p>
<p dir="RTL" style="text-align: justify;">
قابل ذکر ہے کہ راجیہ سبھا کے لیے اتر پردیش سے 11 سیٹوں کے لیے نامزدگی کا عمل شروع ہو چکا ہے۔ اس کے لیے نامزدگی کا عمل 24 مئی سے شروع ہو گیا ہے۔ ایسے میں ایس پی تین لوگوں کو راجیہ سبھا بھیجے گی، جس میں کپل سبل، ڈمپل یادو اور جاوید علی کے نام سامنے آئے ہیں۔ تاہم، کپل سبل نے آزاد پرچہ نامزدگی داخل کیا ہے اور انہیں ایس پی کی حمایت حاصل ہے۔</p>