کیدار ناتھ یاترا: کل فوجیوں کے ساتھ اور آج فوجیوں کی سرزمین پر: و زیر اعظم نریندر مودی

<p dir="RTL" style="text-align: justify;">
دہرادون، 05 نومبر</p>
<p dir="RTL" style="text-align: justify;">
وزیر اعظم نریندر مودی نے جمعہ کو کہا کہ میں دیوالی کے موقع پر کل سرحد پر اپنے فوجیوں کے ساتھ تھا اور آج میں ان فوجیوں کی سرزمین پر ہوں۔</p>
<p dir="RTL" style="text-align: justify;">
آج کیدارناتھ دھام میں پوجا کرنے کے بعد آدی گروشنکراچاریہ کی سمادھی اور مجسمےکی نقاب کشائی اور بنیادی ڈھانچے کے منصوبوں کا افتتاح کرنے کے بعد ایک پروگرام سے خطاب کرتے ہوئے مسٹر مودی نے کہا، ’میں نے تہواروں کی خوشیاں ملک کے بہادر فوجیوں کے ساتھ بانٹی ہیں۔ 130 کروڑ شہریوں کا پیار اور’ آشیرواد‘لے کر فوج کے جوانوں کے بیچ گیا تھا اور انہی کی سرزمین پر آیا ہوں‘۔</p>
<p dir="RTL" style="text-align: justify;">
انہوں نے کہا، ’یہ ہندوستان کی روحانی خوشحالی اور وسعت کا ایک بہت ہی ما فوق الفطرت منظر ہے۔ کچھ تجربات اتنے مافوق الفطرت، اتنے لامحدود ہوتے ہیں کہ انھیں لفظوں میں بیان نہیں کیا جا سکتا۔ بابا کیدارناتھ کی پناہ میں آ کرمیرا احساس اسی طرح کا ہوتا ہے‘۔</p>
<p dir="RTL" style="text-align: justify;">
انہوں نے کہا، ’آج آپ سب آدی شنکراچاریہ کی سمادھی کی دوبارہ قیام کے گواہ بن رہے ہیں۔ آج تمام مٹھوں، 12 جیوترلنگوں، کئی شیوالیوں، شکتی دھام، کئی تیرتھ علاقوں پر ملک کے معزز عظیم شخصیت، قابلِ عبادت شنکراچاریہ روایت سے وابستہ تمام عظیم رشی، منیشی اور کئی شردّالوں بھی ملک کے ہر کونے سے کیدارناتھ کی اس پاکیزہ سر زمین کے ساتھ ہمیں آشیرواد دے رہے ہیں‘۔</p>
<p dir="RTL" style="text-align: justify;">
وزیر اعظم نے کہا ،’برسوں پہلے یہاں ہونے والا جو نقصان تھا‘ وہ ناقابل تصور تھا۔ جو لوگ یہاں آتے تھے، وہ سوچتے تھے کہ کیا یہ ہمارا کیدار دھام دوبارہ اٹھ کھڑا ہو گا؟ لیکن میری اندرونی آواز کہہ رہی تھی کہ یہ پہلے سے زیادہ آن بان شان کے ساتھ کھڑا ہوگا‘۔</p>
<p dir="RTL" style="text-align: justify;">
واضح ہو کہ وزیر اعظم نریندر مودی جمعہ کی صبح کیدارناتھ دھام پہنچ گئے۔کیدارناتھ دھام پہنچنے کے بعد مودی نے مندر میں پوجا کرنا شروع کی۔ اس موقع پر ملک کے تمام 12 جیوترلگوں میں ایک ساتھ پوجا کی گئی، جسے براہ راست نشر کیا گیا۔</p>
<p dir="RTL" style="text-align: justify;">
وزیر اعظم آدی گرو شنکراچاریہ کے سمادھی (مقبرہ) اور مجسمے کی نقاب کشائی کریں گے۔ یہ سمادھی 2013 کی سیلابی آفت میں تباہ ہوگیا تھا جس کی دوبارہ تزئین و آرائش کی گئی ہے۔ اس کے علاوہ وہ 320 کروڑ روپے کی لاگت کی مختلف اسکیموں کا افتتاح اور سنگ بنیاد رکھیں گے۔</p>
<p dir="RTL" style="text-align: justify;">
قبل ازیں گورنر، ریٹائرڈ لیفٹیننٹ جنرل گُرمیت سنگھ، وزیر اعلیٰ پشکر سنگھ دھامی، اسمبلی کے اسپیکر پریم چند اگروال، سابق وزیر اعلیٰ ترویندر سنگھ راوت، وزیر سبودھ اُنِیال اور چیف سکریٹری ایس ایس سَندھ نے دہرادون کے جولی گرانٹ ہوائی اڈے پر وزیر اعظم کا استقبال کیا۔</p>