پیوش گوئل نے امریکہ میں معروف کمپنیوں کے سی ای او سے ملاقات کی
وزیر تجارت گوئل امریکہ کے تین روزہ سرکاری دورے پر ہیں
نئی دہلی/نیویارک،10جنوری ( انڈیا نیرٹیو)
مرکزی وزیر تجارت و صنعت پیوش گوئل نے نیویارک میں بڑی عالمی کمپنیوں کے چیف ایگزیکٹو آفیسرز (سی ای او) اور صنعت کے اسٹیک ہولڈرز کے ساتھ سرمایہ کاری کے مواقع کے ساتھ ساتھ دو طرفہ تجارتی تعلقات پر بات چیت کی۔
تین روزہ سرکاری دورے پر امریکہ گئے وزیر تجارت نے منگل کے روز ٹویٹ کیا کہ انہوں نے ہندوستان میں سرمایہ کاری کے مواقع اور عالمی کمپنیوں کے سربراہوں کے ساتھ امریکہ کے ساتھ دو طرفہ تجارتی شراکت داری کو مزید مضبوط بنانے پر تبادلہ خیال کیا۔ قبل ازیں پیر کو وزیر تجارت نے معروف عالمی کمپنیوں کے سی ای اوز اور صنعت کے اسٹیک ہولڈرز کے ساتھ میٹنگ کی۔
اس دوران گوئل نے پائیدار عمارت کا حل فراہم کرنے والی کمپنی جانسن کنٹرولز کے چیئرمین اور سی ای او جارج اولیور، سرمایہ کاری مینجمنٹ کمپنی بلیک اسٹون کے چیئرمین اور سی ای او اسٹیفن شوارزمین، ماسٹر کارڈ کے سی ای او مائیکل میباک اور سرمایہ کاری فرم کولبرگ کراویس رابرٹس اینڈ کمپنی کے شریک بانی ہنری کراویس سے بھی ملاقات کی۔اس کے علاوہ، گوئل نے یو ایس اسٹاک ایکسچینج نیس ڈیک میں یو ایس انڈیا بزنس کونسل کے زیر اہتمام گول میز اجلاس میں بھی حصہ لیا۔
اس موقع پر، گوئل نے ہندوستان کی شاندار اقتصادی تبدیلی اوروسیع امکانات کا ذکر کرتے ہوئے کہا کہ ہندوستان اور امریکہ کے درمیان مضبوط ہوتے اقتصادی تعلقات اور بڑھتی ہوئی سرمایہ کاری کی وجہ سے دو طرفہ شراکت داری کو نئی رفتار مل رہی ہے۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…