ڈاکٹر شیاما پرساد مکھرجی
نئی دہلی، 6 جولائی (انڈیا نیرٹیو)
وزیر اعظم نریندر مودی اور مرکزی وزیر داخلہ امت شاہ نے جن سنگھ کے بانی ڈاکٹر شیاما پرساد مکھرجی کو ان کی یوم پیدائش پر یاد کیا۔ وزیر اعظم مودی نے ٹویٹ کرکے کہا کہ عظیم قوم پرست مفکر، ماہر تعلیم اور بھارتیہ جن سنگھ کے بانی ڈاکٹر شیاما پرساد مکھرجی کو ان کے یوم پیدائش پر شت شت نمن۔ انہوں نے اپنی زندگی ایک مضبوط ہندوستان کی تعمیر کے لیے وقف کر دی۔ ان کے نظریات اور اصول ملک کی ہر نسل کو متاثر کرتے رہیں گے۔
مرکزی وزیر داخلہ شاہ نے ٹویٹ کیا کہ محترم ڈاکٹر شیاما پرساد مکھرجی نے اپنی زندگی سے یہ سبق دیا ہے کہ قومی مفاد سے بڑھ کر کوئی چیز نہیں ہے۔ کشمیر ہو یا بنگال، ہم ڈاکٹر مکھرجی کے ملک کے اتحاد اور سالمیت کے لیے ان کی بے پناہ شراکت کے لیے ہمیشہ ان کے مقروض رہیں گے۔ انہوں نے پہلی صنعتی پالیسی کی بنیاد رکھ کر ہندوستان کی ترقی کی راہ ہموار کی۔ ڈاکٹر مکھرجی کی قوم کے تئیں لگن اور دور اندیشی ہمیشہ ہماری رہنمائی کرتی رہے گی۔ ملک کے ایسے مہان سپوت کو ان کے یوم پیدائش پر کوٹی کوٹی نمن۔
قابل ذکر ہے کہ شیاما پرساد مکھرجی ایک ہندوستانی سیاست داں، بیرسٹر اور ماہر تعلیم تھے، جنہوں نے جواہر لعل نہرو کی کابینہ میں ہندوستان کے پہلے وزیر صنعت کے طور پر خدمات انجام دیں۔ نہرو کے ساتھ اختلافات کے بعد مکھرجی نے لیاقت۔نہرو معاہدے کے خلاف احتجاج کرتے ہوئے کابینہ سے استعفیٰ دے دیا۔ بعد میں انہوں نے ایک نئی پارٹی بنائی جو اس وقت اپوزیشن کی سب سے بڑی جماعت تھی۔ اس طرح اکتوبر 1951 میں بھارتیہ جن سنگھ کا جنم ہوا۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…