وزیر اعظم نے پانچ وندے بھارت ریل گاڑیوں کو جھنڈی دکھا کر رخصت کیا

وزیر اعظم جناب نریندر مودی  نے آج ریاست مدھیہ پردیش کے شہر بھوپال میں رانی کمپلاپتی ریلوے اسٹیشن سے  پانچ وندے بھارت ایکسپریس ریل گاڑیوں کو جھنڈی دکھاکر رخصت کیا۔ یہ پانچ وندے بھارت ریل گاڑیاں ہیں، بھوپال (رانی کملاپتی) – اندور وندے بھارت ایکسپریس؛ بھوپال (رانی کملاپتی) – جبل پور وندے بھارت ایکسپریس؛ رانچی – پٹنہ وندے بھارت ایکسپریس؛ دھارواڑ – بنگلورو وندے بھارت ایکسپریس اور گوا (مڈگاؤں) – ممبئی وندے بھارت ایکسپریس۔

وزیر اعظم نے رانی کملاپتی – اندور وندے بھارت ایکسپریس  کے پہلے کوچ کا معائنہ کیا۔

انہوں نے ٹرین میں سوار بچوں اور ٹرین کے عملے سے بھی بات چیت کی۔

وزیر اعظم نے ٹوئیٹ کیا

’’آج بھوپال میں پانچ وندے بھارت ریل گاڑیوں کو ایک ساتھ شروع کرنے کی خوش نصیبی حاصل ہوئی۔ اس سے ظاہر ہوتا ہے کہ ملک بھر میں بنیادی ڈھانچہ اور کنکٹیویٹی کی تیز رفتار ترقی کو لے کر ہماری حکومت کتنی پرعزم ہے۔‘‘

اندور سے رکن پارلیمنٹ جناب شنکر لالوانی  جنہوں نے بھوپال (رانی کملاپتی) – اندور وندے بھارت ایکسپریس میں سفر کیا تھا، کے ذریعہ کیے گئے ایک ٹوئیٹ کا جواب دیتے ہوئے وزیر اعظم نے مدھیہ پردیش کے عوام کو مبارکباد پیش کی اور کہا کہ اس سے اجین جانے والے زائرین کے لیے سفر کرنے میں آسانی پیدا ہوگی۔ انہوں نے ٹوئیٹ کیا

’’مدھیہ پردیش کے لوگوں کو اندور-بھوپال کے درمیان شروع ہوئی وندے بھارت ریل گاڑی کی بہت بہت مبارکباد۔ اس سے جہاں انہیں محفوظ اور سہولتوں والے سفر کا فائدہ حاصل ہوگا، وہیں مذہبی مقام اُجین کے سفر پر جانے والے بھکتوں کو بھی آسانی ہوگی۔‘‘

جبل پور سے رکن پارلیمنٹ جناب راکیش سنگھ ، جنہوں نے جبل پور میں بھوپال (رانی کملاپتی) – جبل پور وندے بھارت ایکسپریس  کا خیرمقدم کیا، کے ذریعہ کیے گئے ایک ٹوئیٹ  کا جواب دیتے ہوئے وزیر اعظم نے ٹوئیٹ کیا کہ یہ ریل گاڑی راجدھانی بھوپال اور ثقافتی راجدھانی جبل پور کے درمیان بہتر کنکٹیویٹی پیدا کرے گی ، ساتھ ہی سیاحت کو فروغ دے گی اور زائرین کے لیے سفر میں سہولت پیدا کرے گی۔

’’ملک کی شان وندے بھارت ریل گاڑی سے ایک جانب جہاں مدھیہ پردیش کی ثقافتی راجدھانی جبل پور اور ریاستی راجدھانی بھوپال کے درمیان کنکٹیویٹی میں اضافہ ہوگا، وہیں مذہبی اور سیاحتی مقامات کی بھی تیز رفتار ترقی ہوگی۔‘‘

رانچی سے رکن پارلیمنٹ جناب سنجے سیٹھ کے ذریعہ کیے گئے ایک ٹوئیٹ کا جواب دیتے ہوئے وزیر اعظم جناب نریندر مودی نے کہا کہ رانچی – پٹنہ وندے بھارت ایکسپریس معدنیات سے مالامال جھارکھنڈ اور بہار کی خوشحالی میں مدد فراہم کرے گی۔

’’رانچی ۔ پٹنہ کے درمیان نئی وندے بھارت ریل گاڑی نہ صرف لوگوں کے سفر کو مزید آسان بنائے گی، بلکہ یہ معدنیاتی دولت سے مالامال جھارکھنڈ اور بہار کی اقتصادی ترقی میں بھی مددگار ثابت ہوگی۔‘‘

گوا (مڈگاؤں) – ممبئی وندے بھارت ایکسپریس  کے بارے میں گوا کے وزیر اعلیٰ  ڈاکٹر پرمود ساونت کے ذریعہ کیے ذریعہ کیے گئے ایک ٹوئیٹ کا جواب دیتے ہوئے ، وزیر اعظم نے ٹوئیٹ کیا

’’وندے بھارت ریل گاڑی مزید سیاحوں کو گوا کی فطری خوبصورتی تلاشنے میں مدد فرہم کرے گی۔ یہ کونکن کے ساحل پر کنکٹیویٹی کو بھی بہتر بنائے گی۔‘‘

مرکزی وزیر جناب پرہلاد جوشی اور کرناٹک کے گورنر جناب تھاور چند گہلوت  نے دھارواڑ – بنگلورو وندے بھارت ایکسپریس میں سفر کیا۔ جناب جوشی کے ذریعہ کیے گئے ایک ٹوئیٹ کا جواب دیتے ہوئے وزیر اعظم نے ٹوئیٹ کیا

’’دھارواڑ- بنگلورو وندے بھارت ایکسپریس کرناٹک میں کنکٹیویٹی کو بہتر بنائے گی۔ یہ ریاست میں تجارت و سیاحت کو بھی بہتر بنائے گی۔‘‘

**********