مہاراشٹر کے گورنر بھگت سنگھ کوشیاری کے متنازعہ بیان پر سیاست گرم، بی جے پی نے بھی پلہ جھاڑا

<p dir="RTL" style="text-align: justify;">
مہاراشٹر کے گورنر بھگت سنگھ کوشیاری کے متنازعہ بیان پر مہاراشٹر میں سیاست گرم ہوگئی ہے۔ بھارتیہ جنتا پارٹی (بی جے پی) نے بھی گورنر کے بیان سے کنارہ کشی اختیار کی ہے۔ بی جے پی کے سابق رکن پارلیمنٹ سمبھاجی راجے بھوسلے نے وزیر اعظم کو خط لکھ کر مطالبہ کیا ہے کہ گورنر کو اس طرح بار بار متنازعہ بیان دینے پر واپس بلایا جائے۔ تاہم اس پر گورنر کوشیاری نے کہا کہ ان کے بیان کو توڑ مروڑ کر پیش کیا گیا ہے۔ انہوں نے کہا کہ ممبئی مہاراشٹر بنانے میں مراٹھی لوگوں کا بہت بڑا حصہ ہے اور انہیں مہاراشٹر کا گورنر ہونے پر بھی فخر ہے۔</p>
<p dir="RTL" style="text-align: justify;">
گورنر بھگت سنگھ کوشیاری نے کل ایک پروگرام سے خطاب کرتے ہوئے کہا تھا کہ اگر گجراتی راجستھانی لوگوں کو ممبئی سے نکال دیا جائے تو یہاں پیسہ نہیں بچے گا۔ اس کے بعد ممبئی ملک کی مالیاتی راجدھانی نہیں رہے گا۔</p>
<p dir="RTL" style="text-align: justify;">
وزیر اعلیٰ ایکناتھ شندے نے کہا کہ گورنر کا بیان ذاتی ہے۔ گورنر سے اپیل کریں گے کہ وہ ایک ذمہ دار عہدے پر بیٹھے ہیں، اس لیے متنازعہ بیانات نہ دیں۔ وزیر اعلیٰ نے کہا کہ ممبئی سمیت مہاراشٹرا کی ترقی میں بہت تعاون کیا گیا ہے۔</p>
<p dir="RTL" style="text-align: justify;">
نائب وزیر اعلیٰ دیویندر فڑنویس نے کہا کہ بی جے پی گورنر کے بیان سے بالکل متفق نہیں ہے۔ مراٹھی بولنے والوں نے ممبئی اور مہاراشٹر کی ترقی میں انمول حصہ ڈالا ہے۔ انہوں نے کہا کہ گورنر ایک مخصوص سماج کے پروگرام سے خطاب کر رہے تھے۔ اس وقت ان کے منہ سے یہ لفظ نکلا ہے، جب کہ گورنر خود مہاراشٹر کا احترام کرتے ہیں۔</p>
<p dir="RTL" style="text-align: justify;">
نیشنلسٹ کانگریس پارٹی کے صدر شرد پوار نے کہا کہ اس گورنر کے بارے میں کیا کہا جائے، وہ بار بار غلط بیانی کر رہے ہیں۔ پہلے شیواجی مہاراج، پھر مہاتما جیوتیبا پھولے اور اب اس قسم کا اظہار۔</p>
<p dir="RTL" style="text-align: justify;">
<strong>این سی پی کے ریاستی صدر جینت پاٹل نے گورنر کو سوچ سمجھ کر بات کرنے کا مشورہ دیا ہے</strong></p>
<p dir="RTL" style="text-align: justify;">
مہاراشٹر پردیش کانگریس کے صدر نانا پٹولے نے کہا کہ گورنر جان بوجھ کر اس طرح کا تضحیک آمیز بیان جاری کرکے مہاراشٹر کی توہین کررہے ہیں۔ مرکزی حکومت کو فوری طور پر گورنر کو واپس بلانا چاہئے اور جو مہاراشٹر کو سمجھتا ہے اسے گورنر بنایا جائے۔</p>
<p dir="RTL" style="text-align: justify;">
مہاراشٹر نو نرمان سینا کے صدر راج ٹھاکرے نے کہا کہ گورنر جان بوجھ کر اس طرح کے تاثرات جاری کرتے ہیں اور انہیں لگتا ہے کہ مہاراشٹر کے لوگ اس بات کو نہیں سمجھتے۔ انہوں نے کہا کہ اگر گورنر کو ریاست کی تاریخ کا علم نہیں ہے تو وہ بے لگام بیانات نہ دیں۔ مراٹھی لوگوں نے مہاراشٹر کا ماحول اس طرح بنایا ہے کہ تمام ریاستوں کے لوگ یہاں آکر روزی روٹی کما رہے ہیں۔</p>