صدر جمہوریہ ہند 5 سے 8 اگست تک تمل ناڈو اور پڈوچیری کا دورہ کریں گی

5 اگست 2023 کو صدر جمہوریہ مدوملائی ٹائیگر ریزرو کا دورہ کریں گی اور تمل ناڈو کے مہاوتوں اور کیوڈیوں کے ساتھ بات چیت کریں گی۔

6 اگست 2023 کو صدر جمہوریہ چنئی میں مدراس یونیورسٹی کی 165ویں تقسیم اسناد کی تقریب سے خطاب کریں گی۔ اسی دن، چنئی کے راج بھون میں وہ تمل ناڈو کے پی وی ٹی جی کے اراکین سے بھی ملاقات کریں گی، مہاکوی سبرامنیا بھرتیار کی تصویر کی نقاب کشائی کریں گی اور راج بھون کے دربار ہال کا نام بدل کر بھرتیار منڈپم رکھنے کی تقریب میں شرکت کریں گی۔

7 اگست 2023 کو صدر جمہوریہ پڈوچیری کے جواہر لال انسٹی ٹیوٹ آف پوسٹ گریجویٹ میڈیکل ایجوکیشن اینڈ ریسرچ (جے آئی پی ایم ای آر) کے لینئر ایکسلریٹر کا افتتاح کریں گی۔ وہ قومی آیوش مشن کے تحت ولیانور میں 50 بستروں کے ایک اسپتال کا ورچوئل طریقے سے افتتاح کریں گی اور حکومت پڈوچیری کی طرف سے ان کے اعزاز میں منعقد کیے جانے والے شہری استقبالیہ میں بھی شرکت کریں گی۔

8 اگست 2023 کو، آروویلے میں صدر جمہوریہ شہر کی نمائش، ماتری مندر کا دورہ کریں گی اور ’شعور کے شہر میں سپر مائنڈ کے لیے آرزومند‘ کے موضوع پر کانفرنس کا افتتاح کریں گی۔

****