یورپی کمیشن کی صدر نے صدر جمہوریہ ہند سے کی ملاقات، ان اہم امور پر تبادلۂ خیال

<p dir="RTL" style="text-align: justify;">
یوروپی کمیشن کی صدر محترمہ ارسلا وان ڈیر لیین نے آج  راشٹرپتی بھون میں صدر جمہوریہ ہند جناب رام ناتھ کووند سے ملاقات کی۔یوروپی کمیشن کی صدر کا ہندوستان میں خیرمقدم کرتے ہوئے صدر نے کہا کہ ہندوستان اور یوروپی یونین دو سب سے زیادہ متحرک جمہوریتیں ہیں، دو سب سے بڑی کھلی منڈی کی معیشتیں اور تکثیری معاشرے ہیں۔ انہوں نے کہا کہ ہندوستان اور یوروپی یونین بہت سے علاقائی اور عالمی مسائل پر ایک مشترکہ نقطہ نظر رکھتے ہیں جس میں  اصلاح شدہ اور موثر کثیرالطرفہ پر مبنی بین الاقوامی اصول پر مبنی نظم کو فروغ دینے کے لئے مشترکہ عزم بھی شامل ہے۔</p>
<p dir="RTL" style="text-align: justify;">
اسٹریٹجک پارٹنرشپ جس میں ہندوستان اور یوروپی یونین کا اشتراک ہے وہ آنے والی دہائی کے لئے سب سے اہم رشتوں میں سے ایک ہے اور اس رشتے کو مضبوط بنانا ہندوستان کے لئے ایک ترجیح ہے جیسا کہ یہیوروپی یونین کے لئے ہے۔ آب و ہوا کی  تبدیلی، صاف توانائی، پائیدار ترقی، ڈیجیٹل تبدیلی اور تحقیق اور اختراع جیسے شعبوں میں، یورپی یونین ان شعبوں میں ہندوستان کے اعلیٰ عزائم کو حاصل کرنے کے لیے ایک اہم شراکت دار رہے گا۔</p>
<p dir="RTL" style="text-align: justify;">
ہندوستان اور یورپی یونین کے درمیان تجارت اور سرمایہ کاری کے بارے میں بات کرتے ہوئے، صدر نے اشارہ کیا کہ یورپی یونین اشیا میں ہندوستان کا سب سے بڑا تجارتی شراکت دار ہے اور براہ راست غیر ملکی سرمایہ کاری کے سب سے اہم ذرائع میں سے ایک ہے۔ انہوں نے کہا کہ ہندوستان-یورپی یونین آزاد تجارتی معاہدہ ہندوستان-یورپی یونین اقتصادی تعلقات کی مکمل صلاحیت کو کھول دے گا۔ انہوں نے زور دیا کہ آزاد منڈی کی معیشتوں، اور دنیا کی سب سے بڑی جمہوریتوں کے طور پر، ہندوستان اور یورپی یونین جیسے ہم خیال ممالک کے لیے یہ ضروری ہے کہ وہ اپنی اقتصادی مصروفیت کو گہرا کریں۔</p>