سنندا پشکر موت کیس کی سماعت اب 19 مئی کو ہوگی

<p dir="RTL" style="text-align: justify;">
<strong>سنندا پشکر موت کیس کی سماعت اب 19 مئی کو ہوگی</strong></p>
<p dir="RTL" style="text-align: justify;">
نئی دہلی ، 29 اپریل (انڈیا نیرٹیو)</p>
<p dir="RTL" style="text-align: justify;">
دہلی کی راؤز ایونیو عدالت نے سنندا پشکر موت کیس میں ششی تھرور کے خلاف الزامات عائد کرنے سے متعلق سماعت ملتوی کردی ہے۔ اس معاملے پر اب 19 مئی کو سماعت ہوگی۔ 12 اپریل کو اسپیشل جج گیتانجلی گوئل نے دونوں فریقین کے دلائل سننے کے بعد فیصلہ سنانے کا حکم دیا۔</p>
<p dir="RTL" style="text-align: justify;">
اس معاملے میں ملزم اور کانگریس کے رکن پارلیمنٹ ششی تھرور نے گذشتہ 26 مارچ کو کہا تھا کہ جب خودکشی الزام ثابت ہی نہیں ہوتا ہے تو اکسانے کا الزام لگانے کا کوئی مطلب نہیں ہے ۔ ششی تھرورکی جانب سے ایڈووکیٹ وکاس پہوا نے اس معاملے میں ششی تھرور کو بری کرنے کی مانگ کرتے ہوئے کہا کہ ششی تھرور نے سنندا پشکر کو ذہنی یا جسمانی طور پر اذیت نہیں دی۔ سنندا پشکر کے لواحقین کے بیانات سے یہ واضح ہے کہ وہ خودکشی نہیں کرسکتی ہیں۔ لواحقین نے ششی تھرور پر الزام نہیں عائد کیا ہے۔ استغاثہ محض یہ بیان کر رہا ہے کہ ششی تھرور کے ناجائز تعلقات بھی تھے ۔ اس معاملے میں دہلی پولیس نے 14 مئی 2018 کو چارج شیٹ داخل کی تھی۔</p>
<p dir="RTL" style="text-align: justify;">
چارج شیٹ میں ، ششی تھرور پر تعزیرات ہند کی دفعہ 498<span dir="LTR">A </span>اور 306 کے تحت الزام عائد کیا گیا ہے۔ چارج شیٹ میں کہا گیا ہے کہ سنندا پشکر کا انتقال ششی تھرور سے شادی کے 3 سال ، 3 ماہ اور 15 دن میں ہوا۔ دونوں نے 22 اگست 2010 کو شادی کی تھی۔ یکم جنوری ، 2015 کو ، دہلی پولیس نے ایک نا معلوم شخص کے خلاف تعزیرات ہند کی دفعہ 302 کے تحت ایف آئی آر درج کی۔</p>