بنگلورو میں جی-20 فنانس اور مرکزی بینکوں کے نائب سربراہوں کی پہلی میٹنگ منگل سے

جی   20 فنانس اور مرکزی بینک کے ڈپٹی چیفس آف اسٹاف (ایف سی بی ڈی) کی ہندوستان کی صدارت میں پہلی میٹنگ 13 سے 15 دسمبر تک کرناٹک کے دارالحکومت بنگلورو میں ہوگی۔

مرکزی وزیر خزانہ نرملا سیتا رمن اور ریزرو بینک آف انڈیا (آر بی آئی) کے گورنر شکتی کانت داس جی-20 کی اس میٹنگ کی قیادت کریں گے۔

وزارت خزانہ نے اتوار کو جاری کردہ ایک بیان میں کہا ہے کہ وزارت خزانہ اور آر بی آئی کے مشترکہ زیر اہتمام منعقد ہونے والی اس میٹنگ میں ہندوستان کی جی-20 کی صدارت میں فائنانس ٹریک ایجنڈا پر تبادلہ خیال کیا جائے گا۔

اس میٹنگ کی مشترکہ صدارت اجے سیٹھ، سکریٹری، محکمہ اقتصادی امور اور ڈاکٹر مائیکل ڈی پاترا، ڈپٹی گورنر، ریزرو بینک آف انڈیا کریں گے۔ دو روزہ اجلاس میں جی-20 کے رکن ممالک اور کئی دیگر ممالک اور بین الاقوامی تنظیموں کے ہم منصب شرکت کریں گے، جنہیں ہندوستان نے مدعو کیا ہے۔

اجے سیٹھ نے کہا کہ بنگلورو ہندوستان کی جی-20 صدارت کے تحت جی-20 فائنانس ٹریک کی پہلی میٹنگ کی میزبانی کے لیے تیار ہے۔ انہوں نے مطلع کیا کہ ہندوستان کا مقصد “واسودھیو کٹمبکم” کے تھیم کے ذریعہ عالمی ترجیحات پر مشترکہ لائحہ عمل کو حتمی شکل دینا ہے۔

سیٹھ نے کہا کہ تقریباً 40 میٹنگوں کی سیریز کے ذریعے، ہندوستان عالمی جنوبی مسائل کو فروغ دے گا، یکجہتی کے احساس کی حوصلہ افزائی کرے گا اور مربوط کارروائی کو آگے بڑھانے میں قیادت کرے گا۔

سیٹھ نے کہا کہ وزیر اعظم نریندر مودی نے بالی میں جی-20 میٹنگ میں اس بات پر زور دیا تھا کہ ترقی کے فوائد ہمہ گیر اور سب پر مشتمل ہونے چاہئیں۔ وزارت خزانہ نے اس خیال کو جی-20 فنانس ٹریک ایجنڈا میں شامل کیا ہے۔