پیٹرول اور ڈیزل کی قیمت میں کوئی تبدیلی نہیں

نئی دہلی،26 نومبر (انڈیا نیریٹو)

عالمی بازار میں خام تیل کی قیمتوں میں کمی کا سلسلہ جاری ہے۔ گزشتہ 24 گھنٹوں میں برینٹ کروڈ 2 فیصد کمی کے ساتھ 84 ڈالر فی بیرل پر آ گیا ہے، جبکہ ڈبلیو ٹی آئی کروڈ بھی 2 فیصد سے زیادہ گر کر 87 ڈالر فی بیرل تک پہنچ گیا ہے۔ حالانکہ پبلک سیکٹر آئل اینڈ گیس مارکیٹنگ کمپنیوں نے پیٹرول اور ڈیزل کی قیمت میں کوئی تبدیلی نہیں کی ہے۔

انڈین آئل کی ویب سائٹ کے مطابق ہفتہ کو دہلی میں پیٹرول 96.72 روپے اور ڈیزل 89.62 روپے فی لیٹر رہا۔ ممبئی میں پیٹرول کی قیمت 106.31 روپے اور ڈیزل 94.27 روپے فی لیٹر ہے۔ کولکاتا میں پیٹرول کی قیمت 106.03 روپے اور ڈیزل کی قیمت 92.76 روپے فی لیٹر ہے۔ اسی طرح چنئی میں پیٹرول 102.63 روپے اور ڈیزل 94.24 روپے فی لیٹر فروخت ہو رہا ہے۔

یہ بات قابل ذکر ہے کہ بین الاقوامی مارکیٹ میں برینٹ کروڈ 1.71 ڈالر یعنی 2.00 فیصد کمی کے ساتھ 83.63 ڈالر فی بیرل کی سطح پر ہے۔ وہیں، ویسٹ ٹیکساس انٹرمیڈیٹ (ڈبلیو ٹی آئی) کروڈ بھی 1.66 ڈالر یعنی 2.13 فیصد کمی کے ساتھ 78.28 ڈالر فی بیرل پر آ گیا ہے۔ اس کے باوجود ملک میں تیل کی قیمتیں گزشتہ چار ماہ سے زیادہ عرصے سے مستحکم ہیں۔