اودھم پور فوجی ہیلی کاپٹرحادثہ، حادثے میں زخمی پائلٹ کی حالت کے بارے میں جانئے تفصیلات

<p dir="RTL" style="text-align: justify;">
<strong>اودھم پور  فوجی ہیلی کاپٹرحادثہ، حادثے میں  زخمی پائلٹ کی حالت کے بارے میں جانئے تفصیلات</strong></p>
<p dir="RTL" style="text-align: justify;">
جموں،21 ستمبر</p>
<p dir="RTL" style="text-align: justify;">
جموں و کشمیر کے ضلع اودھم پور کے شیو گڑھ دھر علاقے میں منگل کے روز ایک فوجی ہیلی کاپٹر تباہ ہو گیا جس کے نتیجے میں اس کے دو پائلٹ شدید زخمی ہو گئے ہیں۔سرکاری ذرائع نے بتایا کہ ضلع اودھم پور کے شیو گڑھ دھر علاقے میں ایک فوجی ہیلی کاپٹر تباہ ہوا ہے جس کے نتیجے میں جہاز کے دو پائلٹ زخمی ہو گئے ہیں۔</p>
<p dir="RTL" style="text-align: justify;">
بتایاجا رہا ہے کہ زخمیوں کو فوری طور ہسپتال منتقل کیا گیا ہے جن میں سے ایک کی حالت انتہائی  نازک بتائی جا رہی ہے۔ضلع مجسٹریٹ اودھم پور اندو چب نے  ذرائع  کو بتایا کہ ہم حقائق کا پتہ لگا رہے ہیں کہ یہ حادثہ کیسے ہوا؟ کہاں پر تکنیکی مسائل پیدا ہوئے؟ لیکن یہ حادثہ ایک بڑا حادثہ ہے۔</p>
<p dir="RTL" style="text-align: justify;">
اودھم پور- ریاسی کے ڈپٹی انسپکٹر جنرل پولیس سلیمان چودھری نے بتایا کہ ہمیں اس واقعے کے بارے میں اطلاع موصول ہوئی ہے اور راحت بچاؤ ٹیم کو جائے  حادثہ کی طرف روانہ کر دیا گیا ہے۔واضح ہوکہ  تین اگست کو ضلع کٹھوعہ کے بھسولی علاقے میں ایک فوجی ہیلی کاپٹر رنجیت ساگر ڈیم میں گر کر تباہ ہوا تھا۔</p>