اترپردیش اسمبلی انتخابات: یوپی میں تیسرے مرحلے کی انتخابی مہم آج تھم جائے گی، تمام امیدوار لوگوں کو لبھانے میں مصروف

<p dir="RTL" style="text-align: justify;">
اتر پردیش میں انتخابات کے تیسرے مرحلے کی مہم جمعہ کی شام کو ختم ہو جائے گی۔ اس مرحلے میں ریاست کے 16 اضلاع کی 59 نشستوں پر 20 فروری کو ووٹ ڈالے جائیں گے۔ تیسرے مرحلے میں ایس پی سربراہ اکھلیش یادو سمیت 627 امیدوار میدان میں ہیں۔ ووٹروں کی کل تعداد 2.16 کروڑ ہے۔</p>
<p dir="RTL" style="text-align: justify;">
ریاست کے چیف الیکٹورل آفیسر اجے کمار شکلا نے جمعرات کو بتایا کہ الیکشن کمیشن آف انڈیا کے رہنما خطوط کے مطابق تیسرے مرحلے کی پولنگ آزادانہ، منصفانہ، شفاف اور محفوظ طریقے سے کرانے کے لیے ضروری تیاریوں اور انتظامات کے لیے ہدایات دی گئی ہیں۔ تیسرے مرحلے میں ریاست کے 16 اضلاع کی 59 اسمبلی سیٹوں کے لیے ووٹنگ کا وقت صبح 7 بجے سے شام 6 بجے تک مقرر کیا گیا ہے۔ شکلا نے بتایا کہ عوامی نمائندوں کے ذریعہ چلائی جارہی مہم کو جمعہ کی شام کو مؤثر طریقے سے روک دیا جائے گا اور یہ پابندی تیسرے مرحلے کی پولنگ ختم ہونے تک نافذ رہے گی۔ انتظامیہ کو مناسب انتظامات کرنے کی ضروری ہدایات دی گئی ہیں تاکہ ہر پولنگ بوتھ پر ووٹروں کو کسی قسم کی پریشانی کا سامنا نہ کرنا پڑے۔</p>
<p dir="RTL" style="text-align: justify;">
<strong>ان 16 اضلاع میں ووٹنگ ہو رہی ہے</strong></p>
<p dir="RTL" style="text-align: justify;">
تیسرے مرحلے میں ہاتھرس، فیروز آباد، ایٹہ، کاس گنج، مین پوری، فرخ آباد، قنوج، اٹاوہ، اوریا، کانپور دیہات، کانپور نگر، جالون، جھانسی، للت پور، ہمیر پور اور مہوبہ کی 59 اسمبلی سیٹوں کے لیے20 فروری کو پولنگ ہوگی۔ </p>
<p dir="RTL" style="text-align: justify;">
<strong>یہ تیسرے مرحلے کی نشستیں ہیں </strong></p>
<p dir="RTL" style="text-align: justify;">
ہاتھرس (ایس سی)، شادآباد، سکندرا راؤ، ٹنڈلہ (ایس سی)، جسرانہ، فیروز آباد، شکوہ آباد، سرسا گنج، کاس گنج، اموپور، پٹیالی، علی گنج، ایٹہ، مارہارا، جلیسر (ایس سی)، مین پوری، بھوگاؤں، کشنی (ایس سی)، کرہل قائم گنج (ایس سی)، امرت پور، فرخ آباد، بھوجپور، چھبرامؤ، تروا، قنوج (ایس سی)، جسونت نگر، اٹاوہ، بھرتھانہ (ایس سی)، بدھونا، ڈبیا پور، اوریا (ایس سی)، رسول آباد (ایس سی)، اکبر پور-رانیہ، سکندرا، بھوگنی پور، بلہور (ایس سی)، بٹھو، کلیان پور، گووند نگر، سیسماؤ، آریہ نگر، قدوائی نگر، کانپور چھاؤنی، مہاراج پور، گھٹم پور (ایس سی)، مادھوگڑھ، کالپی، اورائی (ایس سی)، بابینا، جھانسی نگر، مورانی پور (ایس سی)، گڑوٹھا للت پور، مہرونی (ایس سی)، حمیر پور، رٹھ (ایس سی)، مہوبہ اور چرکھری اسمبلی سیٹیں تیسرے مرحلے میں شامل ہیں۔</p>