ملک کی پہلی غیر کانگریسی حکومت کی تشکیل میں کس کس گروپ نے لیا تھا حصہ؟

جب ملک پر نافذ ایمرجنسی 19 ماہ کے بعد ختم ہوئی تو اندرا گاندھی نے جنوری 1977 میں لوک سبھا کو تحلیل کر کے عام انتخابات کا اعلان کر دیا۔

جیلوں سے رہائی کے بعد مختلف پارٹیوں کے سرکردہ لیڈروں نے کانگریس کے خلاف مشترکہ محاذ بنا لیا۔ جن سنگھ، کانگریس (او)، بھارتیہ لوک دل، سوشلسٹ پارٹی نے مل کر جنتا پارٹی بنائی، جو کانگریس کے خلاف اہم پارٹی تھی۔

16 سے 19 مارچ تک ووٹنگ ہوئی اور ووٹوں کی گنتی 20 مارچ کو ہوئی۔ لوک سبھا کی 542 سیٹوں میں کانگریس کو صرف 154 سیٹوں پر اکتفا کرنا پڑا جب کہ جنتا پارٹی کو 295 سیٹوں پر کامیابی ملی۔

اندرا گاندھی اور سنجے گاندھی دونوں الیکشن ہار گئے۔ اتر پردیش، بہار جیسی بڑی ریاستوں میں کانگریس کو ایک بھی سیٹ نہیں ملی جب کہ راجستھان، مدھیہ پردیش کانگریس کو صرف ایک سیٹ ملی۔ راجدھانی دہلی میں کانگریس پارٹی کا صفایا ہوگیا۔

جب حکومت بنانے کی باری آئی تو مرار جی دیسائی کے ساتھ چودھری چرن سنگھ اور جگجیون رام بھی وزیر اعظم کے عہدے کے دعویدار تھے۔ تاہم جے پرکاش نارائن نے وزیر اعظم کے عہدے کے لیے مرارجی ڈیسائی کی حمایت کی۔ 24 مارچ 1977 کو 81 سالہ مرار جی ڈیسائی نے وزیر اعظم کے طور پر حلف لیا۔ یہ ملک کی پہلی غیر کانگریسی حکومت تھی۔ تاہم دو سالوں میں یہ حکومت تضادات اور انتشار کا شکار ہو گئی۔