ورلڈ ٹائیگر ڈے: گزشتہ آٹھ سالوں میں شیروں کی تعداد ہوئی دوگنی، دنیا کے 75 فیصد شیر بھارت میں

<p dir="RTL" style="text-align: justify;">
نئی دہلی، 29 جولائی (ہ س)</p>
<p dir="RTL" style="text-align: justify;">
آج ٹائیگر کا عالمی دن ہے۔ اس موقع پر مرکزی جنگلات، ماحولیات اور موسمیاتی تبدیلی کے وزیر بھوپیندر یادو نے ٹویٹ کیا کہ نیشنل ٹائیگر کنزرویشن اتھارٹی کی انتھک کوششوں سے گزشتہ آٹھ سالوں میں شیروں کی تعداد دوگنی ہو گئی ہے۔ اس کے ساتھ ہی ٹائیگر ریزرو کی تعداد بھی 9 سے بڑھ کر 52 ہو گئی ہے۔ شیروں کی تعداد بڑھانے اور ان کے تحفظ کے لیے کوششیں جاری رکھی جانی چاہیے۔</p>
<p dir="RTL" style="text-align: justify;">
انہوں نے کہا کہ ماحولیاتی تحفظ اور جنگلی حیات کے تحفظ کے حوالے سے ہم سب کو بیدار اور آگاہ ہونا چاہیے اور اپنا کردار ادا کرتے رہنا چاہیے۔</p>
<p dir="RTL" style="text-align: justify;">
قابل ذکر ہے کہ شیروں کی شماری کے مطابق ہندوستان میں شیروں کی تعداد 2,967 ہے جو کہ دنیا کی آبادی کا 75 فیصد سے زیادہ ہے۔ بھارت کا نام 'گنیز بک آف ورلڈ ریکارڈ‘ میں شیروں کی سب سے بڑی تعداد کے طور پر بھی درج کیا گیا ہے۔ اس کے ساتھ ہی،سال 1973 میں، بھارت میں صرف 9  ٹائیگر ریزرو تھے، جب کہ آج کی تاریخ میں ان کی تعداد بڑھ کر 52 ہو گئی ہے۔  بھارت میں سب سے زیادہ مدھیہ پردیش (526)، کرناٹک (524)، اتراکھنڈ (442) شیر ہیں۔ اگر ان تینوں ریاستوں کو ملایا جائے تو انہی ریاستوں میں 50 فیصد شیر ہیں۔</p>