Categories: فکر و نظر

پروفیسر خواجہ محمد اکرام الدین کو اردو اکادمی دہلی نے ایوارڈ سے نوازا

<p dir="RTL" style="text-align: justify;">
جواہر لعل نہرو یونیورسٹی کے ہر دل عزیز استاد، ملک کے ممتاز نقاد اور دانشور پروفیسر خواجہ محمد اکرام الدین (خواجہ اکرام) کو دہلی اردو اکادمی نے اپنے پر وقار ایوارڈ برائے تحقیق و تنقید سے نوازا ہے۔ دہلی کے نائب وزیر اعلیٰ منیش سسودیا جو کہ اردو اکادمی کے چیئرمین بھی ہیں، نے ان ایوارڈس کا اعلان کیا ہے۔اردو اکادمی ، دہلی کے سالانہ ایوارڈز سال 2019-20اور 2021-22کا اعلان حکومتِ دہلی کی طرف سے کیا گیا  ۔ پروفیسر خواجہ اکرام ہندوستان کے مشہور تعلیمی ادارہ جواہر لعل نہرو یونیورسٹی نئی دہلی میں اردو زبان و ادب کے پروفیسر ہیں۔ وہ حکومت ہند کے سب سے بڑے اردو ادارہ قومی کونسل برائے فروغ اردو کے ڈائریکٹر رہ چکے ہیں۔ پروفیسر خواجہ اکرام ورلڈ اردو ایسو سی ایشن کے چیئرمین ہیں۔ وہ دنیا بھر میں اردو زبان و ادب کی ترقی و ترویج کے لیے کوشاں رہتے ہیں۔ انھوں نے سیکڑوں کی تعداد میں اردو کے آن لائن پروگرام کئے ہیں۔ انھیں ”عالمی سفیر اردو“ کے خطاب سے نوازا گیا ہے۔ نئی ٹکنالوجی سے اردو کو جوڑنے کے لیے پروفیسر خواجہ اکرام کی خدمات ناقابل فراموش ہیں۔ ان تمام علمی و ادبی مصروفیات کے ساتھ ساتھ پروفیسر خواجہ اکرام ہمہ وقت تصنیف و تالیف کے کام میں بھی منہمک رہتے ہیں۔ ان کی تحقیقی و تنقیدی نگارشات کو بھی اہل علم نے قدر کی نگاہوں سے دیکھا ہے۔ وہ کئی اہم کتابوں کے مصنف و مرتب ہیں۔ ان کی چند کتابوں کے کئی ایڈیشن شائع ہوچکے ہیں ۔ان کی  متعدد کتابیں ہندستان اور بیرون ممالک   یونیورسٹیز میں شامل نصاب ہیں۔ انھوں نے سفر نامے بھی لکھے ہیں۔ ساتھ ہی وہ آن لائن ادبی میگزین ”ترجیحات“ کے بانی مدیر ہیں۔ پروفیسر خواجہ اکرام کو اس سے پہلے بھی کئی اہم انعامات و اعزازات سے نوازا جا چکا ہے۔</p>
<p dir="RTL" style="text-align: justify;">
پروفیسر خواجہ اکرام کو اردو اکادمی، دہلی کا ایوارڈ ملنے پر علمی و ادبی حلقے میں خوشی کا ماحول ہے۔ ممتاز شاعر و ادیب ناصر عزیز ایڈوکیٹ نے خواجہ اکرام کو مبارک باد پیش کرتے ہوئے کہا ہے کہ خواجہ صاحب کو ملنے والے اس ایوارڈ سے کام کرنے والوں کی حوصلہ افزائی ہوگی۔خواجہ اکرام جس طرح رات دن اردو زبان و ادب کی خدمت میں منہمک رہتے ہیں وہ کم لوگوں میں دیکھنے کو ملتا ہے۔ جواہر لعل نہرو یونیورسٹی میں اردو ماس میڈیا کے انچارج، آل انڈیا ریڈیو کے سابق آفیسر ڈاکٹر توحید خان نے کہا کہ اردو زبان و ادب کے فروغ کے تعلق سے پروفیسر خواجہ اکرام کا جنون قابل دید ہے۔جدید ٹکنالوجی کو اردو سے ہم آہنگ کرنے میں پروفیسر خواجہ اکرام نے بہت اہم کردار ادا کیا ہے۔ اسی کے ساتھ جے این یو کے ریسرچ اسکالرز نے بھی خواجہ اکرام کو مبارک باد پیش کی ہے۔ ڈاکٹر محمد رکن الدین، ڈاکٹر مہوش نور، ڈاکٹر امتیاز رومی، ڈاکٹر لیاقت علی،  شہباز رضا، لیاقت رضا، مشتاق صدیقی، جلیل اقبال خاکی اور محمد حسین شیرانی وغیرہ نے پروفیسر خواجہ اکرام کو دہلی اردو اکادمی کا ایوارڈ ملنے پر خوشی کا اظہار کیا اور انھیں مبارک باد پیش کیا۔     </p>
<p dir="RTL" style="text-align: justify;">
دہلی کے نائب وزیر اعلیٰ و دہلی اردو اکادمی کے چیئرمین منیش سسودیا نے گورننگ کونسل کے ممبران اور مختلف اردو اداروں کی آراء کی روشنی میں اکادمی کے سالانہ ایوارڈس کا اعلان کر دیا ہے۔ ان ایوارڈس کی اطلاع اردو اکادمی کے وائس چیئرمین حاجی تاج محمد اور سیکریٹری محمد احسن عابد کے ذریعے جاری کی گئی۔</p>

Dr. S.U. Khan

Dr. Shafi Ayub editor urdu

Recent Posts

رجنی کانت کی فلم ’جیلر‘ پر شائقین کا ردعمل

رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…

9 months ago

کشمیر میں’میری ماٹی، میرا دیش‘مہم کے تحت متعدد تقریبات منعقد

مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…

9 months ago

یُگ پریورتن: جموں و کشمیر کا تبدیلی کا سفر

جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…

9 months ago

بھارت کے نقشے کی تصویر کا قالین بُننے والا کشمیری قالین باف محمد مقبول ڈار سے ملیں

شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…

9 months ago

زعفران کی آسمان چھوتی قیمت کشمیر کے کسانوں کے چہروں پر لے آئی مسکراہٹ

زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…

9 months ago

لال چوک پر تجدید شدہ کلاک ٹاور سری نگر کے قلب میں لندن کی جھلک کررہا ہے پیش

سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…

9 months ago